________________
૧૫
આનો મર્મ એ કે સિદ્ધચક્રથી મળતી સિદ્ધિઓમાં પ્રથમ ભૂમિકાએ વ્યક્તિને પોતાના વ્યવહારસિદ્ધિ, કાર્યસિદ્ધિ અને જીવનસિદ્ધિ પ્રાપ્ત થાય છે. એથી ઊંચી બીજી ભૂમિકાએ ગયેલા સાધકને વિદ્યાસિદ્ધ, મંત્રિસિદ્ધિ અને યોગસિદ્ધિ સાંપડે છે અને એનાથી પણ ઊર્ધ્વ ભૂમિકાએ ગયેલા મુમુક્ષુને ત્રીજી સિદ્ધિ એટલે કે મુક્તિ, મોક્ષ કે નિર્વાણ પ્રાપ્ત થાય છે. આરાધકને એની આરાધના પ્રમાણે ઈષ્ટ ફળ મળે છે તે ખરું, પરંતુ એનું લક્ષ તો મુક્તિ ભણી હોવું જોઈએ.
આવા અનાદિ, અપૂર્વ અને અલૌકિક સિદ્ધચક્રની પ્રતિદિન નિયમિત રૂપે આરાધના કરતા જૈનધર્મના વિદ્વાન અને ઉત્તમ આરાધક એવા શ્રી ચંદ્રકાન્તભાઈ મહેતાએ “શ્રી સિદ્ધચક્ર આરાધના અને તેના રહસ્યો' પુસ્તકમાં સિદ્ધચક્રની પ્રાચીનતા અને એના મહિમાને દર્શાવ્યો છે. મંત્રની આરાધનાનો માર્ગ સૂચવવાની સાથોસાથ એમણે એ આરાધનાના પ્રત્યેક શ્લોકનો શબ્દાર્થ આપ્યો છે અને પછી અત્યંત ઉપયોગી એવી સમજૂતી આપી છે. પરિણામે આ પુસ્તક શ્રી સિદ્ધચક્રની આરાધના કરનારને માટે માર્ગદર્શક બની રહેશે.
અમેરિકામાં વસતા શ્રી ચંદ્રકાન્તભાઈ મહેતાએ વિશ્વના જુદા જુદા દેશોમાં જૈન ધર્મ વિશે પ્રવચનો આપ્યાં છે, એટલું જ નહીં પણ અમેરિકામાં ન્યૂજર્સીના એમનાં નિયમિતરૂપે યોજાતાં વ્યાખ્યાનોએ એ વિસ્તારના ધાર્મિક વાતાવરણને સદેવ ધબકતું રાખ્યું છે. ન્યૂજર્સીના જૈન સેન્ટર દ્વારા તૈયાર થતા ભવ્ય જિનાલયમાં પણ એમણે યશસ્વી યોગદાન આપ્યું છે. આથી આ ગ્રંથની રચનાના પ્રત્યેક અક્ષર એમના ભાવનાશાળી, આરાધનામય અંતરમાંથી પ્રગટેલા છે અને એ જ સહુ સાધક અને આરાધકને માટે મૂલ્યવાન મૂડી બની રહેશે.
પદ્મશ્રી ડૉ. શ્રી કુમારપાળ દેસાઈ
Jain Education International
For Personal & Private Use Only
www.jainelibrary.org
