________________
૨
શ્રી સિદ્ધચક્ર આરાધના
સિદ્ધ એટલે અવશ્ય ફળ આપે તે અર્થાત્ જે ગોળાકાર યંત્ર અવશ્ય ફળ આપે તે શ્રી સિદ્ધચક્ર.
સિદ્ધ એટલે આગમસિદ્ધ એવા અરિહંતાદિ નવપદો, તેનું ચક્ર એટલે સમુદાય જેમાં વ્યવસ્થિત થયેલો છે તે શ્રી સિદ્ધચક્ર.
ઉપર જણાવેલા અર્થો ઉપરથી એમ કહી શકાય કે શ્રી સિદ્ધચક્ર એ પવિત્ર, અલૌકિક ભાવોથી યુક્ત, મહાપુરુષો વડે નિષ્પન્ન અને કદી નિષ્ફળ ન જાય એવો એક પ્રાચીન અદ્ભૂત યંત્રરાજ છે કે જેની અંદર સિદ્ધ મંત્રપદો રહેલા છે. જે યંત્રમાં જૈન ધર્મના સારભૂત નવપદો રહેલા છે અને જેનું આલંબન લેતાં અન્ય સિદ્ધિઓ તથા મોક્ષ પ્રાપ્ત થાય છે.
શ્રીપાલ રાજાના રાસમાં શ્રી સિદ્ધચક્રનો મહિમા આ પ્રમાણે વર્ણવેલો છે.
આરાધન ફલ એહનાં, ઇહ ભવે આણ અખંડ રે, રાગ દોહગ દુઃખ ઉપશમે, જિમ ઘનપવન પ્રચંડ રે.
આ સિદ્ધચક્રનું આરાધન ફળ એવું છે કે આ ભવમાં તેની અખંડ આણ વર્તે છે, એટલે કે કોઈ તેને લોપી શકતું નથી. વળી પ્રચંડ પવનથી જેમ વાદળો વિખરાઈ જાય છે, તેમ શ્રી સિદ્ધચક્રની આરાધનાથી રોગ, દુર્ભાગ્ય અને દુઃખ વિખરાઈ જાય છે, શમી જાય છે.
એક ગાથામાં લખ્યું છે કે :
નિર્ધનિયાં ધન સંપજે, અપુત્ર પુત્રીયા હોય રે, વિણ કેવલી સિદ્ધયંત્રનાં, ગુણ ન શકે કહિ હોય રે. નિર્ધનને ધન મળે છે અને પુત્ર વગરનાને પુત્ર મળે છે.
Jain Education International
For Personal & Private Use Only
www.jainelibrary.org
