Shastra Sandesh Mala Part 12

Author(s): Vinayrakshitvijay
Publisher: Shastra Sandesh Mala

Page 290

नयरम्मि खिइपइटे चउरो वि परुप्परं समुल्लावं / अकरिंसु तत्थ जाओ जक्खो भत्तीइ चउवयणो // 51 // पुप्फुत्तराउ चवणं पव्वज्जा तह य तेसिं समकालं / पत्तेयबुद्धकेवलिसिद्धिगया एगसमएणं वीरजिणकहियसत्तमपुढवी-सव्वट्ठसिद्धगइजोग्गो / नंदउ पसन्नचंदो तक्कालं केवलं पत्तो पिउतावसउवगरणं पमज्जयंतस्स केवलं नाणं / उप्पन्नं जस्स जए वक्कलचीरिस्स तस्स नमो // 54 // जं चेव य जाणामि तं चेव न व त्ति भणिय पव्वइओ। अइमुत्तरिसी सिरिवीरअंतिए चरमदेहधरो // 55 // कुमरं सत्थाहवहुं मंति मिठं च जो उ पव्वावे संबुद्धो गीईए तं वंदे खुड्गकुमारं . // 56 // धन्नो सो लोहिच्चो खंतिखमो पवरलोहसरिवण्णो / जस्स जिणो पत्ताओ इच्छइ पाणीहि भुत्तुं जे // 57 // जोऽसेसकम्मवल्लिं अट्ठविहं छिदिउं निरवसेसं / सिद्धिवसहिमुवगओ तमहं लोहं नमसामि // प्र० 13 // जेणेगराइआए दंसमसं अहियासिया उवसग्गा। वोसट्टचत्तदेहं तमहं वन्दे समणभदं / // प्र० 14 // भोगेसु अरज्जंतो धम्मं सोऊण वद्धमाणस्स / सो समणो पव्वइओ सुपइट्ठरिसिं नमसामि // प्र० 15 // जो वागरिओ वीरेण सिंहनिक्कीलिए तवोकम्मे / ओसप्पिणीए भरहे अपच्छिमो स त्ति तं वन्दे // प्र० 16 // धण-कणय-रयणपउरो जेणं संसारवासभीएणं / मुक्को कुटुंबवासो तं सिरसा सुव्वयं वंदे // प्र० 17 // . 281