Book Title: Selections in Arddhamagadhi For SSC Examinations Author(s): Venus Book Stall Publisher: Venus Book StallPage 14
________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir ... ९... रूवाइमयं । न उण परिहावेइ, जहा - णत्थि किंपि संसारे अवलेवकारणं, जओ सुभा य असुभा य परिणामा सव्वे वि कम्माणुभावेण परावत्तमाणा चेवेत्थ जीवाणं । भणियं च सुरो वि कुकुरो होइ रंको राया वि जायए । दिओ वि होइ मायंगो संसारे कम्मदोसओ ॥ अन्नं च। न सा जाई न सा जोणी न तं ठाणं न तं कुलं । न जाया न मुया जत्थ सब्वे जीवा अणंतसो । एवमाइअभावियपरमत्थो सो जाइमयाइथद्धो कालक्कमेणे मओ समाणो पत्तो तियसालयं । मुणिओ पुन्वभववुत्तंतो, णिव्वत्तियतियसकायव्वो य सह तियसरामार्हि भोगे भुंजिउं पयत्तो । एवं च भोगासत्तस्स वोलीणाणि णेगाणि पलिओवमाणि । ठिइक्खएण य तओ चुओ संतो गंगाए तीरे बलकोट्टाभिहाणस्स हरिएसाहिवस्स गोरीए भारियाए कुच्छिसि उववन्नो। सा य कुसुमियं वसंतसिरिसमद्धासियं चूयं दळूण पडिबुद्धा । सुमिणपाढयाण सिटुं । तेहिं वि समाइट्ठो पहाणपुत्तजम्मो । कमेण पसूया दारयं ति । अवि य जाईमयावलेवा मायंगकुलम्मि एस उववन्नो । सोहग्गरूवरहिओ णियवंधूणं पि हसणिज्जो ॥ पइट्टियं च से नाम बलो त्ति। वहृतो सब्वत्थ भंडणरओ विसपायवो विव जाओ सन्धोर्स उव्वयकारी । अन्नया पत्ते वसंतूसवे पाणभोयणणञ्चणपराण बंधूण मज्झाओ डिभरूवेहिं सह भंडणं करतो निच्छूढो । पासहिओ य ताणि For Private And Personal Use OnlyPage Navigation
1 ... 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50
