Book Title: Selections in Arddhamagadhi For SSC Examinations Author(s): Venus Book Stall Publisher: Venus Book StallPage 42
________________ Shri Mahavir Jain Aradhana Kendra www.kobatirth.org ... ३७ .. Acharya Shri Kailassagarsuri Gyanmandir ु भणियं च तीऍ नरवई किं इमिणा पुच्छिएण तुह ताव । परिणेसु मं निसंको जाणिहिसि गएहि दियहेहिं ॥। ११ ॥ "तं तह सोऊण नराहिवेण सा बालिया पुणो भणिया । सुंदरि नराहिवाणं एसो मग्गो च्चिय न होइ ||१२|| अपरिग्गहा कुमारी अमुणियगोत्तक्कमा अट्ठसुया । कह परिणीयासे बाले कहसु तुमं चेय मह एयं ||१३|| भणियं च तीऍ नरवइ एसो च्चिय सुपुरिसाण सद्धम्मो । ता साहेमि निसामेसु कुलहरं जं म्ह एत्ताहे ||१४|| अस्थि कणयायलुच्छंगसंगया तियसलोयविक्खाया । सुलसा नामेण पुरी अचंतमणोहरा रम्मा || १५|| तत्थ विज्जाहरिंदो हंसो नामेण तियसविक्खाओ । तस्सम्हे हि नराहिव दो च्चिय धूयाओं जायाओ || ११ || एक्काऍ वसंतसिरी मज्झ महल्लाऍ नाम नरनाह । वाहिता सरयसिरी अहं पि नियगुरुयणेण तर्हि ||१७|| एवं णे दो वि पहायसमयसंगीययप्पसंगेण । देवीहराण पुरओ केलासगिरिं पवन्नाओ || १८॥ तत्थम्हेहि नराहिव हरिसवसुप्फुल्ललोयणो दिट्ठो । गोरीहराण पुरओ पणच्चमाणो गणाहिवई ||१९|| अह सो मए गणेसो चिरपरिचयविम्हयाएँ सामि तर्हि । उवहसओ तेणाहं पक्खित्ता मच्चलोयम्मि ||२०|| एसो मह तेणं चिय सूयरवेसो दयालुणा दिण्णो । नियदूओ जेण तुमं अणुग्गहत्थं म्ह उवणीओ ।। २१ ।। For Private And Personal Use OnlyPage Navigation
1 ... 40 41 42 43 44 45 46 47 48 49 50
