Book Title: Selections in Arddhamagadhi For SSC Examinations Author(s): Venus Book Stall Publisher: Venus Book StallPage 34
________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir ... २९ ... पडियागओ खणेणं निययघरं रोसपूरियामरिलो । चोद्दसहि सहस्सेहिं संनद्धो पवरजोहाणं ॥ ११ ॥ एयंतरम्मि तो सो भणिओ चित्तप्पभेण मंतीणं । लंकाहिवस्स दूयं पेसेहि इमेण अत्थेण ॥ १२ ॥ अह रावणस्स दूयं सिग्धं खरदूसणो विसज्जेउं । बाहपगलंतनेत्तो रुयइ य सुयसोगमावन्नो ॥ १३ ॥ दूएणं परिकहिए जाव च्चिय रावणो चिरावेइ । चोद्दसहि सहस्सेहिं जोहाणं दूसणो चलिओ ॥ १४ ॥ दूसणबलस्स गयणे सीया सुणिऊण तूरनिग्धोसं । किं किं ति उल्लवंती सीया रामं समल्लीणा ॥ १५ ॥ मा भाहि चंदवयणे एए हंसा नहेण वच्चंता। मुंचंति मुहनिणायं अप्पेहि धणुं पणासेमि ॥ १६ ॥ ताव य आसन्नत्थं विविहाउहसंकुलं महासेन्नं । दिटुं समोत्थरंतं गयणयले मेहवंदं व ॥ १७ ॥ चिंतेइ रामदेवो किं वा नंदीसरं सुरा एए । गंतॄण पडिनियत्ता निययट्ठाणाइ वच्चंति ॥ १८ ॥ वंसत्थलम्मि छेत्तुं अहवा जो सो विवाइओ रणे । वेरपडिमुंचणत्थे तस्स इमे आगया बंधू ॥ १९ ॥ नूणं दुस्सीलाए तीए गंतूण दुट्ठमाहिलाए । सिटुं च जहावत्तं तेण इमे आगया इहई ।। २० ॥ परिचिंतिऊण एवं रामो चावे सकंकडे दिट्ठी । देतो य लक्खणेणं भणिओ वयणं निसामेहि ॥ २१ ॥ For Private And Personal Use OnlyPage Navigation
1 ... 32 33 34 35 36 37 38 39 40 41 42 43 44 45 46 47 48 49 50
