________________ આ પવિત્ર ભાવના દિલમાં ભાવી અને પરમઉપકારક એવું તીર્થકર નામકર્મ બાંધ્યું. એના જ પરિપાક રૂપે છેલ્લા ભવમાં તેઓશ્રીનો વર્ધમાનકુમાર તરીકે જન્મ થયો. યોગ્ય સમયે તેમણે દીક્ષા લીધી અને સાધનાના માર્ગે આગળ વધી, ઘાતી કર્મોને ક્ષય કરી, વૈશાખ સુદ 10 ના દિવસે કેવલજ્ઞાન પામી, વૈશાખ સુદ 11 ના પવિત્ર દિવસે ધર્મતીર્થની સ્થાપના કરી અને આપણને પરમ સત્યો (ultimate principles) આપ્યા. જેમ 14th Nov. - બાળ દિવસ, 5th Sept. - શિક્ષક દિવસ, 15th Aug. - સ્વતંત્રતા દિવસ, 26th Jan. - પ્રજાસત્તાક દિવસ એવી રીતે વૈશાખ સુદ 11 ના દિવસને કોઈ નામ આપવું હોય તો મને મન થાય - “સત્ય દિવસ' તરીકે ઓળખવાનું. જ્યાં અજ્ઞાનનું નામોનિશાન નથી અને જ્ઞાનની પૂર્ણતા છે, એવા પોતાના કેવલજ્ઞાનમાં જે સત્યો તેમણે જોયા, તે તમામ - બધા સત્યો, આપણા સૌના હિત માટે, જગત સમક્ષ પ્રકાશિત કર્યા. તેથી ભગવાનને જો બીજું નામ આપવું હોય તો “સત્ય પ્રકાશ” આપી શકાય. આપણને પારમાર્થિક સત્યો તો મળી ગયા; પણ જીવની એક કરુણ વાસ્તવિકતા એવી છે કે તે આ સત્યોને સમજી શકતો નથી. આપણો સ્વભાવ જ ચિત્ર વિચિત્ર છે. કોઈ પણ વાતમાં રહેલા ગંભીર રહસ્યને જાણવા-પામવાને બદલે આપણે તેને કેવળ હાસ્યરસમાં કેવી રીતે લઈ જવી, એને મજાકનું કારણ બનાવી, ઠઠ્ઠામશ્કરી કરવી, એ જ આપણા જીવની અનાદિકાલની એક કુટેવ પડી ગઈ છે. દાત એક ઠેકાણે સાંભળેલું હતું કે “સ્ત્રીઓ પહેલા આંખો નચાવે, પછી આખો નચાવે. આ વિધાન સાંભળીને બધા ખડખડાટ હસે. ખરેખર તો આ વાક્ય સાંભળ્યા પછી વિચાર આવવો જોઈએ કે સ્ત્રીઓ નું સ્વરૂપ આવું જ હોય - - - - - સારાંશ (મૃત્યુ))
