________________ અયોગ્ય અપાત્ર છે. જ્યોતિષશાસ્ત્રની ભાષામાં આવા જીવોને ધર્મ સાથે “બારમો ચંદ્રમાં છે. ધર્મ ક્યારેય શેખચલ્લીના કાલ્પનિક વિચારો માં અથવા તો હવાઈ કિલ્લાઓ માં રાચવાની વાત કરે જ નહીં, એ તો સમયે સમયે નક્કર સત્યને અનુસરવાની જ વાત કરે. સંસાર એ તો એક ધર્મશાળા છે. ધર્મશાળામાં જગતની કોણ ક્યારે આવશે કોને ખબર? ક્યાં સુધી એમાં મુસાફર થાક ખાવા થોભશે કોને ખબર? કોણ જીવનની સફર અટકાવશે, અધવચ લથડિયું ખાઈને કોણ કોની ખાંધ ઉપર, અંતિમ ઉતારે પહોંચશે કોને ખબર?” અનાદિ અનંત સંસારમાં રખડતાં રખડતાં, તમારા સો સાગસંબંધીઓ વગેરે ભેગા થયા અને વળી છૂટા પણ પડી જવાના. મરણ આવતાં જે મૂકવાનું જ છે, તેને જીવતાં “મારું માનીને જીવો છો, એના કરતાં જીવતાં પણ તેને છોડવાનું જ છે, એમ વિચારીને સમજીને શા માટે ન જીવી શકો? શરીર જેને તમે પોતાનું માનો છો, એ છે કેવું? નજરની સામે જ છે. નાક (જીરાગોળીનું Raw Material બનાવતી Factory) માંથી લીંટ, કાનમાંથી મેલ, આંખમાંથી ચીપડા, મુખમાંથી ચૂંક, ગળામાંથી ગળફા બળખા, શરીરમાંથી પરસેવો, મળમૂત્ર વગેરે અનેક અશુદ્ધિઓ બહાર કાઢતું, ગંધાતું અને અનેક રોગોના ભંડારરૂપ આ શરીર! - - - - - ખાંદન 37 - નો સારાંશ (મૃત્યુ))
