________________ જિજ્ઞાસુ સંગમ (શાલિભદ્રના પૂર્વ ભવના જીવ)ને તેની માતાની નજર લાગી હતી? ગુરુજીઃ વૈભવનો નાશ થતાં સંગમ અને એની માતા બંને, સ્વદેશ છોડી અન્યત્ર ગયા. કોઈ ઉત્સવ પ્રસંગે ઘેર ઘેર ખીર રંધાતી હતી. બાળ સંગમે પણ પીર ખાવાની જિદ કરી. પરિસ્થિતિ ન હોવાથી માતાની આંખમાં આંસુધારા વહી જતી જોઈને, પડોશીઓ એ મદદ કરી. માતાએ ખીર બનાવીને સંગમને વાપરવા આપી. માતા ઘરના અન્ય કાર્યોમાં વ્યસ્ત થઈ ગઈ. માસક્ષમણના તપસ્વી મહાત્મા, (સંગમને ભવસાગરથી તારવા), પારણા માટે ગોચરી વહોરવા પધાર્યા. હૃદયના અપૂર્વ ભાવોલ્લાસપૂર્વક સંગમે બધી જ ખીર મહાત્માને વહોરાવી. મહાત્માના ગમન બાદ માતા આવી, ત્યારે થાળમાં ખીર ન દેખાતાં, પોતે આપેલી ખીર સંગમ ખાઈ ગયો હશે, એવું ધારીને ફરીથી ખીર આપી. સંગમે અતૃપ્તપણે આકંઠ ખીર વાપરી. પેલા મુનિ ભગવંતને સંભારતો સંભારતો, સંગમ અજીર્ણને કારણે, તે જ રાત્રે મરણ પામ્યો. (‘ત્રિષષ્ઠી શલાકા પુરુષ ચરિત્ર'માં સંગમનું મૃત્યુ અજીર્ણ થી થયું એવો ઉલ્લેખ છે. માતાની નજર લાગી અને મૃત્યુ પામ્યો એવો ઉલ્લેખ નથી. જિજ્ઞાસુ નાના બાળક પાસેથી ગોચરી ન લેવાય એવું છે ને? ગુરુજી : ગોચરી સંબંધી 42 દોષોમાં એક “દાયક' નામનો દોષ છે. તે સંબંધી એમ જણાવાયું છે કે બાળક જો તેના વડીલો સાથે હોય અને વહોરાવે તો દોષ નથી. પણ જો એકલો હોય તો એના હાથે ન વહોરાય. વળી જે આઠ વર્ષથી નાનો હોય તે બાળક ગણાય, એ પ્રમાણે બાળકની વ્યાખ્યા કરવામાં આવી છે. સંગમ પ્રાયઃ આઠ વર્ષનો સારાંશ (અ) અને
