________________ 33 પેટીઓ વસ્ત્રોની, 33 પેટીઓ અલંકાર આભૂષણોની, 33 પેટીઓ ભોજન સામગ્રીની; એમ 99 પેટીઓ, દીક્ષા પૂર્વે, જેને ઘેર રોજ ઉતરતી હતી, એવા ભોગ ભોગવનારાએ દીક્ષા જીવનમાં શરીર કેવું કરી મૂક્યું છે?! આઠમ ચૌદશના દિવસે લીલોતરીના બદલે, ગૃહસ્થો જેનું શાક કરતાં હોય છે, તે સૂકવેલી સોઘરી જેવી તો તેમની આંગળીઓ થઈ ગઈ છે. અંદરનું પાણી પીને ફેંકી દેવાયેલા અને તડકામાં તપી તપીને સંકોચાઈ ગયેલા નાળિયેર જેવું તો, તેમનું મસ્તક થઈ ગયું છે. - દીક્ષા પછી પ્રથમ વખત રાજગૃહી નગરીમાં તેઓ પધાર્યા છે. ભગવાન પાસે ભિક્ષાની અનુજ્ઞા લેવા ગયા અને ભગવાને કહ્યું આજે, તમારી માતા પાસેથી મળેલા આહારથી, તમારું પારણું થશે. શાલિભદ્રજી જી ભગવંત' કહીને ધન્ય મુનિની સાથે નગરમાં ગયા. ભદ્રા માતાના ઘરના દ્વારે આવીને ઊભા રહ્યા, પરંતુ ઘોર તપશ્ચર્યાને પરિણામે, અત્યંત કુશ અને નબળી બનેલી અને પાતળી પડેલી કાયાને લીધે, તેઓશ્રી કોઈના ઓળખવામાં આવ્યા નહીં. “શાલિભદ્રમુનિ, ધન્યમુનિ, ઈત્યાદિ આજે અહીં પધાર્યા છે, તેથી હું તેમના વંદનાર્થે જાઉં.', એવી ઈચ્છાથી આકુળવ્યાકૂળ બનેલા ભદ્રા શેઠાણીનું પણ ધ્યાન તેમના તરફ ન ગયું. મુનિ તો ક્ષણવાર ઊભા રહીને તરત જ પાછા વળી ગયા. રસ્તામાં તેમના પૂર્વભવની માતા દહીં ઘી વેચવા, આવી રહી હતી, તેણે બંને મુનિશ્રીઓને વંદન કરી, ભાવભક્તિપૂર્વક દહીં વહોરાવ્યું. શાલિભદ્ર મુનિશ્રીએ, ભગવાનને અંજલી જોડીને પૂછ્યું “આપે કહ્યું હતું કે માતાના હાથે પારણું થશે, તો એ પ્રમાણે કેમ ન થયું?” નાના નહિ 45 નાંખો સારાંશ (મૃત્યુ))
