Sadguru Sange Vishwa ne Panthe

Author(s): Manorama B Khanderiya, Balwantrai N Khanderiya
Publisher: Vishwavatsalya and Santbal Award Foundation Ahmedabad

Page 15

મહામાર્ગમાં, ગુરુની અનિવાર્ય આવશ્યકતા અને અગત્ય છે, આપ મેળે આમાં ચાલવાથી, રઝળી પડવાની શક્યતા વધુ રહે છે. વિશ્વમયતાનો માર્ગ દેખાય છે તેટલો સુલભ-સહેલો નથી. શ્રેયનો તે માર્ગ છે.
અંતમાં, ભક્ત કવિ મીરાંએ ગાયું, “મેરે તો ગિરધર ગોપાલ દૂસરો ન કોઈ જેવું અમારું પણ છે, એમ પ્રસંગે ઉપસ્થિત થયો જ છે (આ જાહેરાત કરવી કડવી લાગે છે) તો કહીએ. સદ્દગુરુના અંતિમ શ્વાસ સમાધિ, અદ્ભુત દર્શને (હું હાજર હતો તેથી) જે ચોટ અંદર લાગી અને આ ડાયરીઓ તેમજ આજ સુધીની અનુભૂતિઓના આધાર, અધિકાર અને અજવાળે પૂરી નમ્રતા, સમાનતા અને સ્થિર ભાવપૂર્વક, એ કહેવું પ્રાપ્ત થાય છે કે, “અમારે તો સન્મદા સદ્ગુરુ સિવાય દૂસરો ન કોઈની સ્થિતિ છે. આજના પ્રેરક વાયુમંડળના મંગલ પ્રભાતે કહીએ કે, આ જન્મમાં અને સંસારમાં જે મેળવવાનું હતું (સદ્ગુરુની ભેટ અને સમાગમ) તે, અત્યંત ઈશ્વર અનુગ્રહ અને માતાપિતાએ આપેલી, સુસંસ્કાર સમૃદ્ધિથી મળી ગયું છે – મેળવી આપ્યું છે. તેના પાસે ઐહિક ઐશ્વર્યની કોઈ વિસાત નથી. તુલના જ ન થઈ શકે. મેળવવાનું હવે કાંઈ બાકી નથી. પ્રભુનું વાત્સલ્ય-કરુણા અમાપ છે. શેષ જીવનમાં એ, સદગુરુ ભક્તિ, પ્રેમ અને પાદસેવન વૃદ્ધિ પામો એ જ અંતિમ અભિલાષા અમારી !! પ્રસ્તુત નછૂટકે કરવું પડેલું વિધાન, આધુનિક વિજ્ઞાનયુગના વાયરામાં - તર્ક, વિતર્કમાં ન અટવાતાં -- સુજ્ઞ વાચકહૃદયથી સમજે એ ખાસ વિનંતી.
આ પુસ્તક શ્રી ટી.યુ. મહેતાના પરિશ્રમ, સહકાર, માર્ગદર્શન અને ચિંતન ન હોત તો, પ્રકાશિત થાત નહીં, બધા માટે અંતરથી તેમનો આભાર માનું છું. કવિમનીષી મકરન્દભાઈ દવે અને આત્માર્થી સાધિકા કુન્દનિકાબહેનનો શુભેચ્છાપત્ર આવ્યો તે બદલ બંનેનો અંતરથી આભાર માનું છું. અનંતના આરાધક આ દંપતીને મળવું, એ એક લહાવો ગણું છું. મિત્ર મનુભાઈ પંડિતે પણ પૂફશોધન વગેરેમાં ઉઠાવેલી જહેમત અને ચીવટ માટે આભાર માનું છું. પ્રકાશક સંસ્થા અને શ્રી અંબુભાઈ શાહ બધા જ સંતબાલ પરિવાર અને સંઘના સભ્યો, તેમનો પણ આભાર માનીએ છીએ.
ૐ શાંતિઃ શાંતિઃ શાંતિઃ B. N. Khanderia
મનોરમાં બી. ખંડેરિયા Mamuna Avenue, Hotel Parviz, 55/8/A-2, Salisbury Park Poad,
(એમ.એ. અને સંગીત વિશારદ) PUNE-411 037, PH, : 655855
બલવંતરાય નો. ખંડેરિયા 12