________________
અને તેઓને તમ્બરા પ્રજ્ઞા (પ્રાતિજજ્ઞાન) પ્રાપ્ત થાય છે... આ બધાં લક્ષણો સિદ્ધ થયેલા યોગનાં છે. યોગાચાર્યોએ જણાવેલા એ ગુણો અહીં પણ સ્થિરાદષ્ટિની પ્રાપ્તિ પછી સહજ રીતે જ શરૂ થાય છે. યોગાચાર્યોએ જણાવેલા અલૌલ્ય વગેરે ગુણોનું વિસ્તારથી વર્ણન
યોગદષ્ટિ એક પરિશીલન'માં આ પૂર્વે કર્યું છે. જિજ્ઞાસુએ તે ત્યાંથી જાણી લેવું જોઈએ. ૨૪-શા
*** હવે છઠ્ઠી કાંતાદષ્ટિનું વર્ણન કરાય છેधारणा प्रीतयेऽन्येषां, कान्तायां नित्यदर्शनम् । नान्यमुत् स्थिरभावेन, मीमांसा च हितोदया ॥२४-८॥
“કાંતાદષ્ટિમાં દર્શન નિત્ય હોય છે, અન્ય જનોને પ્રીતિ ઊપજે એવી ધારણા પ્રાપ્ત થાય છે. સ્થિરતાની પ્રાપ્તિ થયેલી હોવાથી અન્યમુદ્ નામનો દોષ નડતો નથી. તેમ જ હિતના ઉદયવાળી મીમાંસા પ્રાપ્ત થાય છે.”-આ પ્રમાણે આઠમા શ્લોકનો સામાન્યર્થ છે. એનો આશય એ છે કે પૂર્વે જણાવ્યા મુજબ સ્થિરાદષ્ટિમાં સૂક્ષ્મ બોધની પ્રાપ્તિ થવાથી ઉત્તરોત્તર સ્થિરતા વધતી હોવાથી કાંતાદષ્ટિમાં દર્શન નિત્ય હોય છે. તારાઓની પ્રભા જેવું એ દર્શન (બોધ) ક્યારે પણ મંદ બનતું નથી, સતત પ્રકાશે છે. કાંતાદષ્ટિમાં યોગનાં આઠ યમાદિ અમાંથી છઠ્ઠી ધારણા નામના યોગાનુની પ્રાપ્તિ થાય છે. ધારણાનું સ્વરૂપ હવે
