________________
રહેતી નથી તેમ અહીં પણ બીજા અપૂર્વકરણે (આઠમા ગુણસ્થાનકે) રહેલા મહામુનિઓ પણ ધર્મસન્યાસયોગના વિનિયોગથી(પ્રયોગ-વ્યાપારથી) કૃતકૃત્ય થાય છે. કારણ કે ત્યાર પછી તેઓશ્રીને કોઈ પણ કાર્ય કરવાનું રહેતું નથી. સમાદિ ક્ષયોપશમભાવના ધર્મોનો સર્વથા ત્યાગ જેમાં છે, તેને ધર્મસન્યાસયોગ કહેવાય છે, જે સામર્થ્યયોગ દરમ્યાન હોય છે. બારમા ગુણસ્થાનકના અંતે યોગી ક્ષયોપશમભાવના સઘળા ય ધર્મોનો ત્યાગ કરી કૃતકૃત્ય બને છે. ઈત્યાદિ અન્યત્ર અનુસંધેય છે. ર૪-૩૦
*** ધર્મસન્યાસયોગથી પ્રાપ્ત થનારા ફળનું વર્ણન કરાય
છે.
केवलश्रियमासाद्य, सर्वलब्धिफलान्विताम् । परंपरार्थं सम्पाद्य, ततो योगान्तमश्नुते ॥२४-३१॥
ત્યાર બાદ સર્વ પ્રકારની લબ્ધિઓથી યુક્ત એવી કેવલ્યલક્ષ્મીને પ્રાપ્ત કરી અને બીજા જીવોને શ્રેષ્ઠ અર્થને પ્રાપ્ત કરાવીને યોગની પૂર્ણતાને પ્રાપ્ત કરે છે.” આ પ્રમાણે એકત્રીસમા શ્લોકનો અર્થ છે. તેનું તાત્પર્ય એ છે કે ધર્મસન્યાસયોગના પ્રયોગથી યોગીજનો સર્વ પ્રકારની લબ્ધિઓથી યુક્ત એવી કેવલજ્ઞાનસ્વરૂપ લક્ષ્મીને પ્રાપ્ત કરે છે. કોઈ પણ પ્રકારની ઉત્સુક્તાનો આઠમી દષ્ટિમાં અભાવ હોવાથી દરેક પ્રકારની લબ્ધિઓ પ્રગટે છે. પરંતુ વૈરાગ્યાદિ
