Prakarana Sukhsindhu Part 2

Author(s): Ajitsagarsuri
Publisher: Vitthalbhai Jivabhai Patel Ahmedabad

Page 432

१०६
गुणिनो यत्र राजन्ते तत्र स्युः सर्वसंपदः । निर्मूला विपदस्तत्र, सर्वकार्यविद्याधिकाः ॥ २०४ ॥ विपदां पदमाचख्यु - दुजनानां समन्वयम् । देशत्यागो वरीयान्हि, न तु दुर्जनसंगतिः ।। २०५ ।। वरं वनचरैर्वासो - गहने गिरिकानने । प्राणत्यागो वरं नैत्र, दुर्जनानां समागमः || २०६ | दुर्जनोरगयोर्मध्ये, वरं नागो न दुर्जनः ।
अहिर्दशति कालेन, दुर्जनस्तुपदे परे ॥ २०७ ॥ दुर्जनो दूरतस्त्याज्यो - वावदूकोऽपि कोपकृत् । शीतलस्तुहिनौघः किं नाखिलं दहति क्षणात् ॥ २०८॥ दुर्जनेन समं सख्यं, कापि न स्यात्सुखावहम् ।
मर्कटेन हतोभूपः, पश्चात्तापमुपेयिवान् ।। २०९ ।। दुर्जनेषु कृता मैत्री, विषमाऽऽपत्तिदायिनी । कपिकच्छु विमर्देन, कुतो नेत्रनिमीलनम् || २१० ॥ दुर्जनेन समं वासो - विविधव्यसनप्रदः ।
राहोछायां गते भानौ, नीलिमा किं न दृश्यते ॥२११ ॥
दुर्जनेन समं वादो नैव कार्यो विचक्षणैः । वाणीमात्रप्रहारेण सतां संजीवनं कुतः || २१२ ॥