________________
આપે દિવસે તો અપ્રમત્તપણે સ્વાધ્યાય યોગ સાધ્યો પણ રાતેય ચાંદનીના પ્રકાશમાં લેખન કર્યું છે. દિવસના શ્રમના થાકને માત્ર એક ઝોકું લઈને ઉતાર્યો છે પણ રાતે અત્યલ્પ નિદ્રાથી શરીરને આરામ આપ્યો છે. સ્થાનિક સ્થિરતામાં સુખાસિકા આસને બેસી કલાકોના પાઠો આપ્યા છે. પણ વિહારોમાંય સંસ્કૃત આદિના પાઠ મોઢે આપ્યા છે. નાના બાળકને-મુનિઓને રાગ-રાગિણી સાથે નવકાર મહામંત્ર આદિ શીખવાડ્યા છે. પણ ન્યાય જેવા જટિલ ગ્રન્થોની અતિ કઠિન પંક્તિઓને Dilute કરીને ભણનારના ગળે સરળતાથી ઉતારી દીધા છે. દીક્ષાના શરૂઆતના વર્ષોમાં કરેલ ગાથા-ગ્રન્યો છેક મોટી ઉંમર સુધી યાદ હતા. પણ જીવનના છેલ્લા વર્ષોમાંય ગાથા ગોખવાનો અતિ વંદનીય પ્રયાસ કર્યો હતો.
ઓ સૂરિદેવ ! મારું શું ગજું કે પિણ્ડવિશુદ્ધિનું ભાષાંતર લખું? આપશ્રીના પટ્ટધર રત્ન પૂજ્યપાદ ગચ્છાધિપતિ આચાર્યશ્રી વિજય જયઘોષસૂરિશ્વરજી મહારાજ સાહેબે આ ભાષાંતર લખવા પ્રેરણા કરી. આપશ્રીનું નામસ્મરણ કરી, પૂજ્ય ગચ્છાધિપતિશ્રીના આશીર્વાદ લઈ લખવાનું ચાલુ કર્યું. અનેક મહાત્માઓના સાથ-સહકારથી ભાષાંતર પૂર્ણ થયું. ધન્યતા અનુભવું છું કે પ્રભુ વચનોનો વિનિયોગ કરવાનો અવસર સંપ્રાપ્ત થયો.
ભવોદધિતારક ગુરુદેવ પૂજ્યપાદ આચાર્ય શ્રી વિજય ભુવનભાનુસૂરીશ્વરજી મહારાજ સાહેબ ! આપશ્રીની જન્મશતાબ્દીએ આ પિણ્ડવિશુદ્ધિ ભાષાંતર આપશ્રીના કરકમળોમાં ઉમળકાભેર હૃદયે સમર્પણ
મારા આઘોપકારી ગુરૂદેવ પરમ પૂજ્ય આચાર્ય શ્રી વિજય ગુણાનંદસૂરિશ્વરજી મહારાજ સાહેબ! આપના અગણિત ઉપકારોની સ્મૃતિમાં આ ગુજરાતી ભાષાતંર ગુણાનન્દીય વાર્તિકમ્' આ પ્રમાણેના આપશ્રીના પુણ્ય નામ સાથે જોડીને આપશ્રીના ચરણે કૃતજ્ઞતા-અંજલી અર્પે છે.
પ્રાન્ત, આપ ઉભય પૂજ્ય ગુરૂદેવોના ચરણે વંદન પૂર્વક યાચું છું આપશ્રીના પુરબહાર ખીલેલા જ્ઞાન ગુણને ! આપશોને ? “ના નહિ કહેશો રે મુજને સાહિબા.'
આપશ્રીનો ચરણ કિંકર મુનિ કલુભાનું વિજય
Jain Education International
For Private & Personal Use Only
www.jainelibrary.org
