Padmacharitam Part 03

Author(s): Ravishenacharya, Darbarilal Nyayatirth
Publisher: Manikchand Digambar Jain Granthamala Samiti

Page 423

४१४
पद्मपुराणम् ।
एकोनविंशोत्तरशतं पर्व । देवयोस्तत्र नो द्वेषः सर्वाकारेण विद्यते । तथा हि प्राप्तकालोऽयं भ्रातृमृत्य्वपदेशतः ।। ५१ ॥ अनेकं मम तस्यापि विविधं जन्म तद्गतम् । वसुदत्तादिकं मोहपरायत्तितचेतसः ॥५२॥ एवं सर्वमतिक्रान्तमज्ञासीत्पद्मसंयतः । धैर्यमत्युत्तमं विभ्रव्रतशीलधराधरः ॥ ५३॥ परया लेश्यया युक्तो गंभीरो गुणसागरः । बभूव स महाचेताः सिद्धिलक्ष्मीपरायणः ॥५४ ।।. युष्मानपि वदाम्यस्मिन् सर्वानिह समागतान् । रमध्वं तत्र सन्मार्गे रतो यत्र रघूत्तमः ।।५५ ॥ जैने शक्त्या च भक्त्या च शासने संगतत्पराः । जना विभ्रति लभ्यार्थं जन्म मुक्तिपदान्तिकम् ।। जिनाक्षरमहारत्ननिधानं प्राप्य भो जनाः । कुलिंगसमयं सर्व परित्यजत दुःखदम् ॥ ५७ ॥ कुग्रन्थैर्मोहितात्मानः सदंभकलुषक्रियाः । जात्यंधा इव गच्छन्ति त्यक्त्वा कल्याणमन्यतः ५८ नानोपकरणं दृष्ट्वा साधनं शक्तिवर्जिताः। निर्दोषमिति भाषित्वा गृह्णते मुखराः परे ॥ ५९ ॥ व्यर्थमेव कुलिंगास्ते मूढेरन्यैः पुरस्कृताः । प्रखिन्नतनवो भारं वहन्ति मृतका इव ॥ ६० ॥
ऋषयस्ते खलु येषां परिग्रहे नास्ति याचने वा बुद्धिः।
तस्मात्ते निग्रेन्थाः साधुगुणेरन्विता बुधैः संसेव्याः ॥ ६१॥