Book Title: Padarth Prakash 10 Karmprakruti Bandhankaran
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ 37 તૈજસની ગ્રહણયોગ્ય વર્ગણા એકોત્તરવૃદ્ધિવાળા પરમાણુવાળા સ્કંધોની વર્ગણાઓ છે. આહારકની જઘન્ય ગ્રહણયોગ્ય વર્ગણાના દરેક સ્કંધમાં રહેલ પરમાણુમાં તેનો અનંતમો ભાગ ઉમેરતા જે આવે તેટલા પરમાણુવાળા સ્કંધોની આહારકની ઉત્કૃષ્ટ ગ્રહણયોગ્ય વર્ગણા છે. (7) અગ્રહણયોગ્ય વર્ગણા: આહારકની ઉત્કૃષ્ટ ગ્રહણયોગ્ય વર્ગણાના દરેક સ્કંધમાં રહેલ પરમાણુમાં 1 પરમાણુ ઉમેરતા જે આવે તેટલા પરમાણુવાળા સ્કંધોની જઘન્ય અગ્રહણયોગ્ય વગણા છે. ત્યાર પછી ઉત્કૃષ્ટ અગ્રહણયોગ્ય વર્ગણા સુધી એકોત્તરવૃદ્ધિવાળા પરમાણુવાળા સ્કંધોની વર્ગણાઓ છે. જઘન્ય અગ્રહણયોગ્ય વર્ગણાના દરેક સ્કંધમાં રહેલ પરમાણુને અભવ્ય કરતા અનંતગુણ કે સિદ્ધના અનંતમા ભાગથી ગુણતા જે આવે તેટલા પરમાણુવાળા સ્કંધોની ઉત્કૃષ્ટ અગ્રહણયોગ્ય વર્ગણા છે. આ વર્ગણાઓ ઘણા પ્રદેશોવાળી અને સૂક્ષ્મ હોવાથી આહારક માટે અગ્રહણયોગ્ય છે, અલ્પ પ્રદેશોવાળી અને સ્થૂલ હોવાથી તૈજસ માટે અંગ્રહણયોગ્ય છે. અહીં ઔદારિક, વૈક્રિય, આહારક યોગ્ય વર્ગણાઓના આંતરાઓમાં અગ્રહણયોગ્ય વર્ગણાઓ કર્મપ્રકૃતિચૂર્ણિકાર વગેરે નથી માનતા, જિનભદ્રગણિક્ષમાશ્રમણ વગેરે માને છે. (8) તૈજસની ગ્રહણયોગ્ય વર્ગણા : ઉત્કૃષ્ટ અગ્રહણયોગ્ય વર્ગણાના દરેક સ્કંધમાં રહેલા પરમાણુમાં 1 પરમાણુ ઉમેરતા જે આવે તેટલા પરમાણુવાળા સ્કંધોની તૈજસની જઘન્ય ગ્રહણયોગ્ય વર્ગણા છે. ત્યાર પછી તૈજસની ઉત્કૃષ્ટ ગ્રહણયોગ્ય વર્ગણા સુધી એકોત્તરવૃદ્ધિવાળા પરમાણુવાળા સ્કંધોની વર્ગણાઓ છે. તૈજસની કર્મપ્રકૃતિ બંધનકરણ ગાથા ૧૮-૨૦ની ચૂણિમાં પાના નં. 40 ઉપર આને અગ્રહણયોગ્ય આહારદ્રવ્ય વણા કહી છે.
