Book Title: Padarth Prakash 10 Karmprakruti Bandhankaran
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ સ્નેહપ્રરૂપણા 5 3 સ્નેહપ્રરૂપણા પુદ્ગલદ્રવ્યોનો પરસ્પર સંબંધ સ્નેહથી (ચીકાશથી) થાય છે. તેથી હવે સ્નેહની પ્રરૂપણા કરાય છે. સ્નેહપ્રરૂપણા ત્રણ પ્રકારે છે (1) સ્નેહપ્રત્યયસ્પર્ધક પ્રરૂપણા (2) નામપ્રત્યયસ્પર્ધક પ્રરૂપણા (3) પ્રયોગપ્રત્યયસ્પર્ધક પ્રરૂપણા 1) સ્નેહપ્રત્યયસ્પર્ધક પ્રરૂપણા પુદ્ગલોમાં ઉત્પન્ન થતા સ્વાભાવિક સ્નેહથી થતા સ્પર્ધકોની પ્રરૂપણા તે સ્નેહપ્રત્યયસ્પર્ધક પ્રરૂપણા. આ સ્નેહથી સ્કંધો બને છે. સ્નેહપ્રત્યયસ્પર્ધકોનો વિષય વાદળ વગેરે છે. સર્વોત્કૃષ્ટ સ્નેહને કેવળીની બુદ્ધિથી છેદતા જેના બે વિભાગ ન થાય તેવો અંશ તે સ્નેહનો અવિભાગ છે. તેને સ્નેહાણુ પણ કહેવાય છે. સ્નેહના 1 અવિભાગવાળા જેટલા પરમાણુઓ લોકમાં છે તેમનો સમુદાય તે પહેલી વર્ગણા છે. સ્નેહના બે અવિભાગવાળા પરમાણુઓનો સમુદાય તે બીજી વર્ગણા છે. એમ સ્નેહના સંખ્યાતા અવિભાગવાળા પરમાણુઓની સંખ્યાતી વર્ગણાઓ છે. સ્નેહના અસંખ્યાતા અવિભાગવાળા પરમાણુઓની અસંખ્યાતી વર્ગણાઓ છે. સ્નેહના અનંતા અવિભાગવાળા પરમાણુઓની અનંતી વર્ગણાઓ છે. આ બધી વર્ગણાઓનું એક જ સ્પર્ધક છે. તેમની વચ્ચે કોઈ અંતર નથી.
