Book Title: Padarth Prakash 10 Karmprakruti Bandhankaran
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ દ્વાર ૪થુ-અંતર 59 સ્પર્ધકની ચરમ વર્ગણાના પુદ્ગલો અને બીજા સ્પર્ધકની પહેલી વર્ગણાના પુદ્ગલો વચ્ચે સર્વ જીવ કરતા અનંતગણ અવિભાગોનું અંતર છે. બીજા સ્પર્ધકની પહેલી વર્ગણાના દરેક પુદ્ગલમાં પહેલા સ્પર્ધકની પહેલી વર્ગણાના દરેક પુદગલમાં રહેલ અવિભાગો કરતા દ્વિગુણ (બમણા) અવિભાગો છે. બીજા સ્પર્ધકની પહેલી વર્ગણા પછી એકોત્તરવૃદ્ધિવાળા અવિભાગવાળા પુદ્ગલોની અભવ્ય કરતા અનંતગુણ અને સિદ્ધના અનંતમા ભાગ જેટલી વર્ગણાઓ છે. તેમનો સમુદાય તે બીજુ સ્પર્ધક છે. ત્યાર પછી સર્વ જીવ કરતા અનંતગુણ અવિભાગનું અંતર પડે છે. બીજા સ્પર્ધકની ચરમ વર્ગણાના દરેક પુદ્ગલમાં રહેલા અવિભાગમાં સર્વ જીવ કરતા અનંતગુણ અવિભાગ ઉમેરતા જે આવે તેટલા અવિભાગવાળા પુગલોની વર્ગણા તે ત્રીજા સ્પર્ધકની પહેલી વર્ગણા છે. તેના દરેક પુદ્ગલમાં પહેલા સ્પર્ધકની પહેલી વર્ગણાના દરેક પુદ્ગલમાં રહેલ અવિભાગો કરતા ત્રિગુણ અવિભાગો છે. ત્યારપછી એ જ ક્રમે ત્રીજું સ્પર્ધક, અંતર, ચોથું સ્પર્ધક, અંતર.... એમ છેલ્લા સ્પર્ધક સુધી જાણવું. કુલ સ્પર્ધકો અભવ્ય કરતા અનંતગુણ અને સિદ્ધના અનંતમાં ભાગ જેટલા છે અને અંતર તેના કરતા 1 જૂન છે. જેટલામુ સ્પર્ધક હોય તેની પહેલી વર્ગણાના દરેક પુદ્ગલમાં પહેલા સ્પર્ધકની પહેલી વર્ગણાના દરેક પુદ્ગલમાં રહેલા અવિભાગો કરતા તેટલા ગુણ અવિભાગો હોય છે. વર્ગણાઓમાં અવિભાગોની વૃદ્ધિ બે પ્રકારે છે : (1) અનંતરવૃદ્ધિ અને (2) પરંપરવૃદ્ધિ.
