________________
॥ पञ्चमोदेशकः॥ जे भिक्खू सचित्तरुक्खमूलंसि ठिच्चा ठाणं वा सेज वा निसीहियं वा तुयदृणं वा चेएइ चेएतं वा साइज्जइ ॥१॥
जे भिक्खू सचित्तरुक्खमूलंसि ठिच्चा आलोएज्ज वा पलोएज्ज वा आलोएतं वा पलोएतं वा साइज्जइ ॥२॥
जे भिक्खू सचित्तरुक्खमूलंसि ठिच्चा असणं वा पाणं वा खाइमं वा साइमं वा आहारेइ आहारतं वा साइज्जइ ॥३॥
जे भिक्खू सचित्तरुक्खमूलंसि ठिच्चा उच्चारपासवर्ण परिहवेइ परिहवेंतं वा साइज्जइ ॥४॥
जे भिक्खू सचित्तरुक्खमूलंसि ठिच्चा सज्झायं करेइ करेंतं वा साइज्जइ ॥५॥ जे भिक्खू सचित्तरुक्खमूलसि ठिच्चा सज्झायं उद्दिसइ उदिसतं वा साइज्जइ ॥
जे भिक्खू सचित्तरुक्खम्लंसि ठिच्चा सज्झायं समुहिसइ समुद्दिसतं वा साइज्जइ ॥७॥
जे भिक्खू सचित्तरुक्खम्लंसि ठिच्चा सज्झाय अणुमाणइ अनुजाणंत वा साइज्जइ ॥८॥
जे भिक्खू सचित्तरुक्खम्लसि ठिच्चा सज्झायं वाएइ वाएतं वा साइज्जइ ॥९॥ जे भिक्खू सचित्तरुक्खम्लंसि ठिच्चा सज्झायं पडिच्छइ पिडच्छंत वा साइज्जइ । जे भिक्खू सचित्तरुक्खम्लंसि ठिच्चा सज्झायं परियइ परियदृत वा साइज्जइ ॥
जे भिक्खू अप्पणो संघाडियं अण्णउत्थिएण वा गारथिएण वा सागारिएण वा सिव्वावेइ वा सिब्बा वा साइज्जइ ॥१२॥ "जे भिक्खू अप्पणो संघाडीए दीहमुत्ताई करेइ करेंतं वा साइज्जइ ॥१३॥
जे भिक्खू पिउमंदपलासयं वा पडोलपलासयं वा विल्लपलासयं वा सीओदगवियडेण वा उसिणोदगवियडेण वा संफाणिय-सफाणिय आहारेइ आहारेंतं वा साइज्जइ ॥१४॥
जे भिक्खू पाडिहारियं पायपुंछणं जाइत्ता 'तमेव रयणि पच्चप्पिणिस्सामि'त्ति सुए पच्चप्पिणइ पच्चप्पिणंत वा साइज्जइ ॥१५॥
जे भिक्खू पाडिहारियं पायपुंठणं जाइत्ता 'सुए पच्चप्पिणिस्सामि'-त्ति तमेव रयणि पच्चप्पिणइ पच्चप्पिणंतं वा साइज्जइ ॥१६॥
