Nandanvan Kalpataru 2006 00 SrNo 16

Author(s): Kirtitrai
Publisher: Jain Granth Prakashan Samiti

Page 91

एतन्निशम्य रत्नचूलया हसित्वा भणितं 'स्वामिन् ! यद्येष एव भवतो निश्चयस्तदाऽयं * यक्ष एव भवत्प्रतिरूपं कृत्वा गमिष्यति । भवता तु नैव गन्तव्यं प्रत्युताऽत्र भवने उपरितने
तले गुप्ततया वसितव्यम् । अत्र यत्कर्तव्यमस्ति तत् सर्वं वयमेव विधाय सुस्थं करिष्यामः ।' मा कुमारस्तत् प्रतिपन्नवान् ।
ततः स किङ्करयक्षो वत्सराजरूपं धृत्वा विशेषेण स्फारशृङ्गारादि कृत्वा च राजपाबें में गतः कथितवांश्च ‘देव ! अहं गन्तुं सिद्धोऽस्मि किन्तु कतिदिवसैर्मया प्रतिनिवर्तितव्यम् ?'
राज्ञोक्तं 'मासेन' इति । 'यद्येवं प्रत्यक्षमेव तत्राऽऽगत्य मम सत्त्वं पश्यन्तु' इत्ययमुक्तवान् ।
तदा राजाऽपि मन्त्रिभिः सह गान्तिकं गतः । तेषु अन्येषु च बहुषु नगरजनेषु पश्यत्स्वेवाऽयं * यमगृहं प्रविश्य निमेषमात्रेणैवाऽदर्शनीभूतः । एतद् दृष्ट्वा हृष्टचित्तो राजा मन्त्रियुतो
निजप्रासादं प्राप्तः । शेषा जना अपि खिन्नमानसा निजनिजस्थानं गताः परस्परं भणन्ति स्म ।
'अहह ! अहो ! रागान्धेन राज्ञेदं नृशंसं कार्यं कृतम् । हा वत्सराज ! दीनवत्सल ! त्वां में * विनाऽद्य नगरमेतत् स्मशानवच्छून्यं सञ्जातम् । हा ! गुणनिधे ! कदा पुनरपि त्वामत्र विलसमानं द्रक्ष्यामो वयम् ?'
इतो राज्ञा स्वमन्त्रिजनाः प्रोक्ता 'भोः ! अद्यैव तास्तिस्रोऽप्यत्राऽऽनयत येन मे चित्तसन्तापो निर्वापितः स्यात् ।' तैः कथितं 'स्वामिन् ! मैवमत्युत्सुको भूत् । यतोऽन्यथाऽपि । * भवद्विषयेऽद्याऽतिदारुणो लोकवाद उच्छलितोऽस्ति । एवंकृते तु सर्वोऽपि जनपदो भवतो
विरक्ष्यते । अतो मासमात्रं प्रतीक्षतां प्रभो ! ।' राज्ञाऽपि तत् प्रतिपद्याऽतिकृच्छ्रेण कथमपि र मासो यापितः । पूर्णे च मासे स मन्त्रिणो भणति स्म 'भोः ! मासस्तु पूर्णो जातोऽद्याऽपि x
किमिति चिरयत ?' मन्त्रिभिरुक्तं 'अद्यैव देवादेशः करिष्यते ।' ततस्ते चत्वारोऽपि वत्सराजगृहगमनार्थं सनद्धा जाताः ।
अत्राऽन्तरे रत्नचूलादिभिस्तिसृभिरपि वत्सराजकुमारः प्रवरमज्जनविधिना स्नपयित्वोत्तमं शृङ्गारं च कारयित्वा राजास्थानगमनार्थं सन्नहितः । तथैव यक्षद्वारा निजजनकं , व्यन्तरेन्द्रमाकार्य सर्वं वृत्तान्तं च कथयित्वा ततस्तदीयान्याभरणानि गृहीतानि । तानि च । सर्वाण्यप्याभरणानि कुमारेण परिधापितानि । ततः कुमारं यक्षतुरङ्गे समारोप्य तत्पुरतश्च में सदण्डं व्यन्तरेन्द्रं संस्थाप्य ते नगरमध्यात् पार्थिवसभायां प्रेषिताः ।
तं दृष्ट्वा सर्वोऽपि नगरलोकः प्रमोदरोमाञ्चकण्टकितो जातो भणति स्म च
७८ For Private & Personal Use Only