Kurmastakadvyam

Author(s): Bhojdev Maharaj
Publisher: L D Indology Ahmedabad

Page 32

Kürmaśatam
वड्डत्तणस्स कज्जे जाओ कुम्मो हु एत्थ धरणी । ती लहुअत्तकज्जे भोअ तुमं एत्थ उप्पन्नो ॥२७॥
जं इह पसूहि दिन्नं केच्चिरयालं हु ( ? खु) तस्स निव्वा ( ११ ) हो । पुइ तुहं वत्तं भोएणं अज्ज पायडिअं ॥२८॥
।
लहुअविऊणं धरणि पच्छा धरिआए को गुणो च फलकज्जे सव्वो वि हु कज्जाई भोअ विरइ ॥ २९ ॥ कुलगिरिणो लहुअविआ लहुअविआ सायरा तअ मही । पच्छा भारो कलिओ लहुउव्वहणेण किं होई ॥३०॥
पुइ (१२) गरुअत्तणं तुह केहिँ वि धीरुज्झिएहिँ वढविअं । भोएण तम्मि कलिए अत्ताणं पेच्छ कोड्डेण ॥३१॥ गरुअत्तणं पसूहिं धरणीए जं हु( ?खु) एत्थ वड्ढविअं । तं पयडिऊण पोरिसमज्जं भोएण लहुवविअं ॥३२॥
को वि गरुअत्तकज्जे धरणीए एत्थ निम्मिओ विहिणा । अन्नो हु को विविहिओ तीए वि हु ल( १३ ) हुइमाकज्जे ॥३३॥
एअं चिअ तुह कम्मं जे गरुए लहुअवेसि ते चेअ । एअस्सि किज्जन्ते साह फलं किं तुहं फलइ ॥३४॥
धरणिमुहे सयले विहु लहुआवह कग्गलीए किं भणिमो । तुम्हे वि कुह एअं पिसुणा उण किं करिस्संति ॥३५॥ अज्जावहि गरुअत्तं धरणीसरिनाहपव्वएसु ठिअं । गरुअत्तणस्स (१४) नामं एहि ताणं हु अत्थमिअं ॥ ३६ ॥
अत्तणं हु हु ( ?खु) गरुअं एक्को वहिउं न जाव सक्केइ । तापुव्वेहि वित्तं तं पि तए लहुइअं कह णु ॥३७॥
मह गरुअत्तं सा तह य गरुइमा दो वि तह य हरिआई । अइरडिरलहरिआहिं सरिनाहो निअह रोवेइ ॥ ३८ ॥
तइ उप्पन्ने भूवइ गरुअत्तं ताण वि अलिअं जाव । पस( १५ )रंतनिज्झरनिहा कुलगिरिणो ताव रोवन्ति ॥३९॥ जत्थ पुरिसाण हिज्जइ गरुअत्तं तत्थ महिलिआण कहं । अथकं पुई विहु रोवइ सरिआण भंगीए ॥ ४० ॥
धरणीए तले कुम्मो कोलप्पमुहा वि लज्जिआ लुक्का । जा लहुअत्तं तीए पुहईए कयं हु( ?ख) भोएण ॥ ४१ ॥
11