Kurmastakadvyam

Author(s): Bhojdev Maharaj
Publisher: L D Indology Ahmedabad

Page 34

Kūrmaśatam
मरिऊण जो धरिज्जइ भारो इह कुम्म सो हु केरिसओ । अइपलहुआए तुम्हे इमीए कह कायरा जाया ॥५७॥ गरुएणं लहुअत्तं उअणीअं गरुइमं पि इह देइ । इअ सायरपमुहा( २२ )णं हिअए खेओ नं तणुओ वि ॥५८॥ दाऊणं लहुअत्तं सइ धरणीगरुइमा हु वड्डविआ । भूवइ पुहईए तए इअ तीए वडिओ हरिसो ॥५९॥ पेच्छंताण सरूअं पुहईसरिनाहकुलगिरिमुहाण । गरुअत्तं पडिहायइ तइ कलिए कह णु लहुअत्तं ॥६०॥ लोअ पसिद्धीए कए गरुअत्तं पलहुए वि प( २३ )यडेइ । भारे कह तं सि पुणो गरुअं लहुअं खु पायडसि ॥६१॥ एआए गरुअत्तं तुम्हेहिं कुम्म पयडिअं एत्थ । खग्गग्गतोलिआए पेच्छह रे गोरवमिमीए ॥६२॥ केत्तिअमेत्ते भारे कण्ह तए पोरिसं पमोत्तूण । रूअसयाइँ कयाई लोए लहुवाविओ अप्पा ॥६३॥ पुहई चेलयसरिसा कुलगिरि २४ )पमुहा तहेअ पडिआणं । तोलिज्जइ गरुअत्तं भुएण एअं तुमं कुणसि ॥६४॥ भारस्स वहणकज्जे पट्टी सीसं इहं कयं विहिणा । मणिवलओ व्व धरिज्जइ भारो एसो नवा वट्टा ॥६५॥ जं जं गरुअं जं जं च दुव्वहं जं च जं च अणसक्कं । तं तं कुणंतएणं कण्हो लहुआविओ भोअ ॥६६॥ इमिणा (२५) गरुअत्तेणं पुहइ तए गरुइमा इमा लद्धा । पेच्छेसु पलहुअत्तं असिणा अप्पस्स तुलिआए ॥६७॥ मा मज्जउ जलमज्झे मा सरिनाहा मिलंतु गोत्तस्स । इअ तं दयाए धरणिं लोअस्स इमस्स उव्वहसि ॥६८।। धरणी घरंगणसमा कक्करसरिसा तहेअ कुलगिरिणो । । (२६). . . . . . . हीभारे कलिए तए भोअ ॥६९॥ सरिनाहपुहइपमुहा रूढा गरुअत्तणेण इह लोए । गरुआणं लहुववणे किं खु फलं तुज्झ सिज्झेइ ॥७०॥ आरोविअवडत्ते भारे अप्पस्स गारवं लोआ । देन्ति तुमं पुण साहसु विवरीअं ताण ववहरसि ॥७१॥