Kaumudi Mitranand Nataka

Author(s): Ramchandrasuri, Punyavijay
Publisher: Jinshasan Aradhana Trust

Page 133

रामचन्द्रसूरिविरचितं
नरदन्तः — अहमपि निरपत्यः, भ्रातैव मे अपत्यम् । सदस्यैव गाम्ना क्रेयं च वस्तु । अयं च मकरन्दाभिधानः । अत्र चार्थेऽमात्यः पौरलोकच प्रमाणम् ।
'चारायणः -देव ! अयमुपायनभाजनवाही भ्राताऽस्य मकरन्दाभिधानः ।
युवराजः कोऽत्र भोः ! ।
( प्रविश्य )
प्रतीहारः - आदिशतु देवः । युवराजः - कियतोऽपि वणिजः समाहय । ( प्रतीहारो निष्क्रान्तः )
( प्रविश्य कृतोष्णीषाः पञ्चषा वणिजः प्रणमन्ति । ) युवराजः - तातस्य विक्रमबाहोराज्ञा भवतां यदि पक्षपातेन वदत । ततः कथयत को नरदत्तस्य भ्राता ? किमभिधानश्च १ ।
वणिजः - ( सभयं ) देव ! नरदत्तस्यायं भ्राता मकरन्दाभिधानः ।
( युवराजः साटोपं मकरन्दमवलोकयति । )
मकरन्दः -- ( सदुःखमात्मगतं )
प्रत्यहं नव्यनव्याभिर्भवन्तीभिर्विपत्तिभिः । आस्तां नाम परस्तावदात्मापि मम भग्नवान् ॥ ८ ॥ ( प्रकाशं ) देव ! अपरमप्यभिज्ञानमस्ति । इला मे गोत्रदेवता । तदभिधानेनापरमिलादत्त इत्यपि नाम । ततः किय