Apbhramsa Pandulipi Chayanika

Author(s): Kamalchand Sogani
Publisher: Apbhramsa Sahitya Academy

Page 104

सुय सत्तु विढत्तउ अवहरंति। जर मरणहं किंकर किं करंति। जीवाउ वाउ हय हय वराय। संदण संदण गय गय जे नाय। तणु तणु जे खणद्धे खयहो जाइ। धणु धणु जि गुणेण वि वंकु थाइ। दुहिया वि दुहिय माया वि माय। समभाउ लिति किर तेण भाय॥ घत्ता। आय तेहिं सत्तुहण भरह वल लक्खणेहिं । जाणाविउ सीयहे भाइ जेम। जिह हरि वल सा सावलेव। सुउ परम धंमु सुह भायणेण। तव चरणु लइउ चंदायणेण॥ घत्ता॥ दसरहु अण्ण दिणे किर रामहो रज्जु समप्पई। केक्कय तावणे उण्हालइ धरणि व तप्पइ॥६॥णंरिंदस्स सोऊण पव्वज यजं, स रामाहि रामस्स रज्जं। ससा दोणरायस्स भग्गाणुराया। तुला कोडि कंती लया लिद्ध पाया। स पालंव कंची पहा भिन्न गुज्झा। थणुत्तुंग भारेण जा णित्त मज्झा। णवासोय वच्छच्छयाच्छाय पाणी। वरालाविणी कोइलालाव वाणी। महा मोरपिच्छोह संकास केसा। अणंगस्स भल्ली व पच्छण्ण वेसा। गया केक्कया जत्थाण मग्गो। णरिंदो सुरिंदो व्व पीढं वलग्गो। वरो मग्गिअ णाह सो एस कालो। महं णंदणो ठाउ रज्जाणुपालो। पिए होउ एवं तअ सावलेवो। समायरिअ लक्खणो रामएवो॥ घत्ता ॥ जइ तुहं पुत्त महुं । तो एत्तउ पेसणु किज्जइ। छत्तई वइसणउं वसुमइ भरहो अप्पिज्जइउ॥ ८॥ अहवइ भरहु वि आसण्णु भव्वु। सो चिंतइ अथिरु असारु सव्वु। घरु परियणु जीउ सरीरु वित्तु। अच्छइ तवचरण निहित्त चित्तु। पई मुएवि तासु जइ दिण्णु रज्जु । तो लक्खणु लक्खई हणई अज्जु । ण वि हउं न वि भरहुं न केक्कया वि। सत्तुहणु कुमारु न सुप्पया वि। तं णिसुणेवि पप्फुल्लिय मुहेण। वोलिज्जइ दसरह तणुरुहेण। पुत्तहो पुत्तत्तणु एत्तिउं जे। जं कुलु न चडाइव वसण पुंजे। जं निय जणणहो आणाहिहेउ। जं करइ विवक्खहो पाणच्छेउ। किं त्ते पुणु पनिय बुद्धि पयासमि तो वि जणे। जं सयल वि तिहुयणे वित्थरियउ। आरंभिउ पुणु राहवचरिउ॥ घत्ता ॥ भरहहो वद्धाए पट्टे। तो निव्वूढ महाहउ। पट्टणु अवज्झ मुएवि। गउ वणवासहो राहउ॥१॥ जं परिवद्ध पट्ट परिअसें। जय मंगल जय तूर निघोसे। दसरह चरण जुयलु जयकारेवि। दाइय मच्छरु मणे अवहारिवि। संपय रिद्धि विद्धि अवगण्णेवि। तायहो तणउंसच्चु परिमण्णेवि। निग्गउ वलु वलु नाई हरेप्पिणु। लक्खणो वि लक्खणइं लएप्पिणु। संचल्लेहिं तेहिं विद्दाणउं थिउ हेट्ठामुहं दसरह राणउं। हियवइ णाई तिसूले सल्लिउ। राहउ किह वणवासहो घल्लिउ। अहवइ जइ मई सच्चु न पालिउ ति। नियनामु गोत्तु महु मइलिउ। वरि गउ रामु न सव्वु विणासिउ।
अपभ्रंश-पाण्डुलिपि चयनिका
Jan Education International