Apbhramsa Pandulipi Chayanika

Author(s): Kamalchand Sogani
Publisher: Apbhramsa Sahitya Academy

Page 113

सयणहिं॥ घत्ता॥ धम्म विहूणउ पाव पिंडु अणिहालिय थामु। सो रोवेवउ जासु महिस विस मेसहिं णामु॥२॥ एयहो अखलिय माणहो दिण्ण णिरंतर दाणहो। पूरिय पणइणि आसहो। रोवहि काई दसासणहो। रोवहि किंय तिहुयण वसियरणउं। किय णिसियर कुलवंसुद्धरणउं। रोवहि किय कुवेर विब्भाडणु। किय जम महिस सिंग उप्पाडणु। रोवहि किय कइलासुद्धारणु सहस किरणु णल कुव्वर वारणु। रोवहि किय सुरवइ भुव वंधुणु। किय अइरावय दप्प णिसुंभणु। रोवहि किय दिणयर रह मोडणु। किय ससि केसरि केसर तोडणु। रोवहि किय फणिमणि उद्दलणु किय वरुणाहिमाण संचालणु। रोवहि किह णिहि रयणुप्पायणु। किय रयणियर अप्पायणु । रोवहि किय वहुरूवणि साहणु किय दारुणु दूसह सह समरंगणु ॥ घत्ता॥ थिय अजरामर भुवण परिसद्धिय जासु। सय वारउ रोवहिं काई विहीसण तासु॥३॥ तं णिसुणेवि पहाणउं। भणइ विहीसण राणउ। एत्तिउ रुअमि दसासहो। भरिउ भुयणु जं अयसहो। ब॥ एण सरीरें अविणयथाणें। दिट्ठ णटु जल विंदु समाणे। सुरचावेण व अथिर सहावे। तडि फुरणेण व तक्खण व तक्खण भावें। रंभा गब्भेण व णीसारे। पक्क फलेण व सउणाहारे। सुण्ण हरेण व विहडिय वंधं । पच्छहरेण व अइ दुग्गंधे। उक्करुडेण व कीडावासें अकुलीणेण..
अपभ्रंश-पाण्डुलिपि चयनिका
(98)