Apbhramsa Pandulipi Chayanika

Author(s): Kamalchand Sogani
Publisher: Apbhramsa Sahitya Academy

Page 120

मणे मंगलु। जा वेलाउलु पावमि तहिं पुणु। विक्कमि एउ माणिक्कु महागुणु। हरि करि किणवि भंडु णाणाविहु । घरु जाएसमि निवसंपयनिहु। अह हत्थाउ गलिउ दरनिद्दहो। पडिउ रयणु तं मज्झे समुद्दहो। धाहावइ तरियहु दीहरगिरु। हा हा जाणवत्तु किज्जउ थिरु। निवडिउ रयणु एत्थ अवलोयहो। तं आणेवि पुणु वि महु ढोयहो। सायरे न? वहंतहो पोयहो। कहिं लब्भइ माणिक्कु पलोयहो॥घत्ता॥ इय मणुयजम्मु माणिक्कसमु। रइसुह निद्दावसजाय भमु। संसार समुद्धि हरावियउ। जोयंतु केम पुणु लहमि हउं॥११॥ विजुच्चरु पभणई दिढपहारि। विज्झम्मि भिल्ल कोयंडधारी। सरघाएं मारिउ हत्थि तेण। एत्तहे सो दगु भुयंगमेण। धणुघाएं मारिउ विसहरो वि। भिल्लु वि विसभुत्तु विवष्णु सो वि। करि भिल्ल सप्पु धणु धरणिपडिय विहरंत सिवालहु चित्ति चडिय। छम्मासु हत्थि नरु एक्कु मासु। अहि होसइ पुणु दिवसेक्कु गासु। ता वच्छउ फेडमि दुङ् भुक्ख। पर खामि दोवि धणुवद्ध सुक्ख। करडंतहो तहि दिढनद्ध तुडिउ। धणु कोडिए तालु कवालु फुडिउ। मुउ जंवू जेम सुहेण छुहिउ। नासेसहि तिह परमत्थु कहिउ॥ घत्ता॥ तो भणइ कुमारु माम मुणहि। अक्खाणउ अजु वि नउ मुणहि । कव्वाडिउ कोवि कहिमि वसइ। इंधणु
आहरि वि अण्णु ग...........
अपभ्रंश-पाण्डुलिपि चयनिका
(105)
Jan Education International