Apbhramsa Pandulipi Chayanika

Author(s): Kamalchand Sogani
Publisher: Apbhramsa Sahitya Academy

Page 116

सलिलु वहंतियहे । पउरा णियहि कुलुग्गयहे । रयणायरु खारई देंतउं । तो वि ण थक्कइ णम्मयहो ॥ ८ ॥ साणु ण केण वि जणेण गणिज्जइ । गंगाणइहि तं जि हाइज्जइ । ससि स कलंकु तहिं जि पहि णिम्मल । कालउ मेहु तहिं जि तहिं उज्जल । उवलु व पुज्ज ण केण विच्छिप्पर तहि जि पडिम चंदणेण विलिप्पइ । धुज्जइ पाउ पंकु जइ लग्गइ। कमल माल पुणु जिणहो वलग्गइ। दीवउ होइ सहावें कालउ । वट्टि सिहए मंडिज्जइ आलउ । णरणारिहि एवड्डुउ अंतरु । मरणे वि वेल्लि ण मेल्लइ तरुवरु । इह पई कवण वोल्ल पारंसिय । सइवडाय मई अज्जु समुब्भिय । तुहुं पेक्खन्तु अच्छु वीसत्थउ । डहउ जलणु जइ डहिवि समत्थउ ॥ घत्ता ॥ किं किज्जइ अण्णे दिव्वें । जं ण वि सुज्झइ महुं मणहो । जिह कणय लोलि डाहुंत्तर अच्छामि मज्झि हुआसणहो ॥ ९ ॥ सीयहि वयणु सुणेवि जणु हरिसिट्ठउ । उच्चारउ रामंचु पदरिसिउ । महुर णराहिव जस लिह लुर्हेणें । हरिसिउ लक्खणु सहुं सत्तुंहर्णे । तिण्णि वि विप्फुरंत मणि कुंडल । हरिसिय जणय कणय भामंडल । हरिसिय लवणंकुस सुस्सील वि। हरिसिय वज्जजंघ णलणील वि। तार तरंग रंभ विससेण वि । दहि मुह कुमुय महिंद सुसेण वि । गवय गवक्ख संख सक्कंदण। चंदरासि चंदोयर णंदण। लंकाहिव सुग्गीवंगंगय। जंवव पवणंजय पवणंगय । लोयवाल गिरि णइउ समुद्ध वि विसहरिंद अमरिंद रिंद वि ॥ घत्ता ॥ तइलोकब्भंतर वत्तिउ। सयल वि जणवउ हरिसियउ। पर हियवए कलुसु वहंतउ । रहुवइ एक्कु ण हरिसियउ ॥ १० ॥ सीयए जं जे वुत्तु अवलेवें । तं जि समत्थिउ पुणु वलएवें । कोक्किय खणय खणाविय खोणी । हत्थ सयाइं तिण्णि चउ कोणी । पूरिय खड लक्कड विच्छड्डेहिं । कालागुरु चंदण सिरिखंडेहि । देवदारु कप्पूर सहासेहिं । कंचण मंच रइय चउ पासेहिं । चडिया राय आय गिव्वाण वि । इंद चंद रवि हरि वंभाणवि । इंधण पुंजि चडिय परमेसरि णं संठिय वय सीलहं उप्परि । अहो देवहो महुं तणउं सत्तणु । जोएज्जहो रहुवइ दुट्ठत्तणु । अहो वह......
अपभ्रंश - पाण्डुलिपि चयनिका
(101)