Apbhramsa Pandulipi Chayanika

Author(s): Kamalchand Sogani
Publisher: Apbhramsa Sahitya Academy

Page 107

असारु वारु संसारहो। रजु भयंकर इह पर लोयहो। रज्जे गम्मइं निगोयहो। रज्जे होउहोउ महु सरियउ। सुंदरु तो किं पइं परिहरियउ। रज्जु
अकज्जु कहिउ मुणि छेयहिं । दुट्ठ कलत्तु व भुत्तु अणेयहिं । दोसवंतु मयलंछण विवु वहु दुक्खायरु दुइ कुडुचुव। तो वि जीउ पुणु रज्जहो कंखइ। अणुदिणु आउ गलन्तु ण लक्खइ॥ घत्ता ॥ जिह महुविंदुहे कजे। करहु न पेक्खइ कक्करु। तिह जिउ विसयासत्तु। रज्जे गउ सय सक्करु ॥३॥
भरहु चवन्तु निवारिउ राएं। अज्ज वि तुज्झु काई तव वाएं। अज्ज वि रज्जु करहि सुहु भुंजहिं। अज्ज वि विसय इच्छ अणुहुंजहि । अज वि
तुहं तंवोलु समाणहिं। अज वि वर उंजाणइं माणहिं। अज वि अंगु स इच्छए मंडहि। अज वि वर विलयउ अवरुडंहि। अज वि ज्जोग्गउ
सव्वाहरणहा। अज वि कवणु कालु तव चरणहो। जिण पव्वज्ज होइ अइ दुसहिय। किं वावीस परीसह विसहिय। किं जिय चउ कसाय रिउ दुजय किं आयमिय पंच महव्वय। किं किउ पंचहं विसयहं निग्गहु। किं परिसेसिउ सयलु परिग्गहु। को दुम मूले वसिउ वरिसालए। को एक्कंगे थिउ सीयालए। किं उण्हालए किउ अत्तावणु एउ तव चरणु होइ भीसावणु॥ घत्ता ॥ भरह म वड्डिउ वोल्लि। तुहं सो अज्ज वि वालु। भुंजहि विसय सुहाई। को पव्वजहे कालु॥ ४॥ तं णिसुणेवि भरहु आरुटुउ। मत्त गइंदु व चित्तें दुट्ठउ। विरुयउ ताय वयणु पई वुत्तउ। किं वालहो तव चरणु न जुत्तउ। किं वालत्तणु सुहेहिं न मुच्चइ। किं वालहो दय धम्मु न रुच्चइ। किं वालहो पव्वज म होउ। किं वालहो दूसिउ पर लोउ। किं वालहो सम्मत्तु म होउ। किं वालहो णउ इट्ठ विअउ। किं वालहो जर मरणु न ढुक्कइ किं वालहो जमु दिवसु वि चुक्कइं। तं णिसुणेवि भरहु णिब्भच्छिउ। तो किं पहिलउ पट्ट पडिच्छिउ। एवहिं सयलु वि रज्जु करेवउ। पच्छले पुणु तव चरणु चरेवउ॥ घत्ता ॥ एम भणेप्पिणु राउ। सच्चु समप्पिवि भज्जहे। भरहहो वंधेवि पट्ट। दसरहु गउ पव्वजहे ॥ ५॥ सुरवर वंदिए धवल विसाए। गंपिणु सिद्धकूडे
अपभ्रंश-पाण्डुलिपि चयनिका
an Education int
o nal