Apbhramsa Pandulipi Chayanika

Author(s): Kamalchand Sogani
Publisher: Apbhramsa Sahitya Academy

Page 105

सच्चु महंतउ सव्वहो पासिउ। सच्चें अंवरे तवइ दिवायरु। सच्चें समउ ण लंघइ सायरु। सच्चें वाउ वाइ महि पच्चइ। सच्चे असहिं खयहो न वच्चइ । घत्ता ॥ जो ण वि पालइ सच्चु । मुहे दाढियउ वहंतउ। निवडइ नरय समुद्दे। वसु जिम अलिउ चवंतउ॥ २॥ चिंतावण्णु णराहिउ जावेहिं। वलु निय निलउ पराइउ तावेहिं। दुम्मणु एंतु निहालिउ मायए। पुणु विहसेवि वुत्तु पिय वायए। दिवे दिवे चडहि तुरंगम णांएहिं। अज्जु काई अणुवाहणु पाएहिं। दिवे दिवे वंदि ण विंदहि थुव्वव्वहिं। अज काई थुव्वंतु न सुव्वहिं। दिवे दिवे थुव्वहिं चमर सहासेहि। अज्जु काई तउ को वि न पासिहि। दिवे दिवे लोयहिं वुच्चहिं राणउं। अज्जु काई दीसहिं विदाणउं। तं णिसुणेवि वलेण पयंपिउ। भरहहो सयलु वि रज्जु समप्पिउ। जामि माए दिट्ठिय मुहं होज्जहिं । जं दूमिय तं सव्वु खमिजहिं । घत्ता ॥ जं आउच्छियमाय हा हा पुत्त भणंती। छिया लंजिएहिं हा माए भणंतिहिं । हरियंदणेण सित्त रोवंतिहिं। चमरुक्खेवहिं किय पडिवायण। दुक्खु दुक्खु पुणु जाय सचेयण । अंगु वलंति समुहियराणी। सप्पि व दंडाहय विद्दाणी॥ णील्लक्खण णीरामुम्माहिय। पुणु वि सदुक्खउ मेल्लिय धाहिय । हा हा काई वुत्तु पइ हय विद्दाणी। णिल्लक्षण णीरामुम्माहिय। पुणु वि सदुक्खउ मेल्लिय धाहिय। हा हा काई वुत्तु पइ हयहर। दसरह वंस दीव जग सुंदर। पइं विणु को पल्लंके सुएसइ। पइ विणु को अत्थाणे वईसइ। पई विणु को हय गयहि चडेसइ। पई विणु को झिंदुएण रमेसइ। पइ विणु रायलच्छि को माणइं। पइं विणु
को तंवोलु समाणई। पई विणु परवलु को भंजेसइ। पई विणु को मई साहारेसइ॥ घत्ता॥ तं कूवारु सुणेवि। अंतेउरु मुह चुण्णउं लक्कखणराम विअइ। धाह मुएवि इयरुण्णउं ॥ ४॥ तो एत्थंतरे असुर विमदें धीरिय णिय जणेरि वलहदें। सेरी होहि माए किं रोवहिं । लुहि लोयण अप्पाणु म सोयहि । जिह रवि किरणेहिं ससि न पहावइ। तिह मई होतें भरहु ण पावइ। ते कज्जे वण वासि वसेवउ। तायहो तणउं सच्चु पालेवउ। दाहिण देसि करेविणु थत्ते। तुम्हहं पासि एइं सोमित्ते। एव भणेप्पिणु चलिउ तुरंतउ। सयलु वि परियणु आउच्छंतउं। धवल कसण णीलुप्पल सामेहिं । घरु मुच्चंतउ लक्खण रामेहिं। सोह ण देइ ण चित्तहो भावइ। नहु निच्चंदाइच्चउ णावइ। नं कियउ। द्धहत्थु धाहावइ। वलहो
अपभ्रंश-पाण्डुलिपि चयनिका
(90)
Jan Education International