________________
उद्देशक : १७, मूलं-१२५२, [भा. ५९९५]
२८३ मू. (१२५२) जे भिक्खू गाम-पहाणि वा नगर-पहाणि वा खेड-पहाणि वा कव्वड-पहाणि वा मडंब-पहाणि वा दोणमुह-पहाणि वा पट्टण-पहाणि वा आगार-पहाणि वा संबाह-पहाणि वा सन्निवेस-पहाणि वा कण्णसोयपडियाए अभिसंघारेइ, अभिसंघारेंतं वा सातिजति ।।
मू. (१२५३) जे भिक्खू आस-करणाणि वा हत्थि-करणाणि वा उट्ट-करणाणि वा गोणकरणाणि वा महिस-करणाणि वा सूयर-करणाणि वा कण्णसोयपडियाए अभिसंधारेइ, अभिसंधारेतं वा सातिजति ॥
मू. (१२५४) जे भिक्खू आस-जुद्वाणि वा हस्थि-जुद्वाणि वा उट्ट-जुद्धाणि वा गोण-जुद्धाणि वा महिस-जुद्धाणि वा कण्णसोयपडियाए अभिसंधारेइ, अभिसंधारेतं वा सातिजति ।।
मू. (१२५५) जे भिक्खू उज्जूहियट्ठाणाणि वा हय-जूहियट्ठाणाणि वा गय-जूहियट्ठाणाणि वा कण्णसोयपडियाए अभिसंधारेइ, अभिसंधारेंतं वा सातिजति ॥
मू. (१२५६) जे भिक्खू अभिसेय-ट्ठाणाणि वा अक्खाइय-ट्ठाणाणि वा मानुम्मान-ट्ठाणाणि वा महया हय-नट्ट-गीय-वाइय-तंती-तल-ताल-तुडिय-पडुप्पवाइय-हाणाणि वाकण्णसोयपडियाए अभिसंधारेइ, अभिसंधारेतं वा सातिञ्जति ।।
मू. (१२५७) जे भिक्खू डिंबराणि वा डमराणि वा खाराणि वा वेराणि वा महाजुद्धाणि वा महासंगामाणि वा लहाणि वा बोलाणि वा कण्णसोयपडियाए अभिसंधारेइ, अभिसंधारेतं वा सातिजति।।
मू. (१२५८) जे भिक्खू विरूवरूवेसुमहुस्सवेसुइत्थीणि वा पुरिसाणि वा थेराणिं वा मज्झिमाणि वाडहराणि वा अलंकियाणि वा सुअलंकियाणि वा कायंताणि वा वायंताणि वा नचंताणि वा हसंताणि वा रमंताणि वा मोहंताणि वा विउलं असनं वा पानं वा खाइमं वा साइमं वा परिभायंताणि वा परिभुंजंताणि वा कण्णसोयपडियाए अभिसंधारेइ, अभिसंधारेतं वा सातिज्जति।।
मू. (१२५९) जे भिकखू इहलोइएसुवा रूवेसु, परलोइएसु वा रूवेसु, दिढेसु वा रूपेसु, अदिढेसु वा रूवेसु, सुएसु वा रूवेसु, असुएसु वा रूवेसु, विनाएसु वा रूवेसु, अविनाएसु वा रूवेसु सज्जइ रज्जइ गिज्झइ अज्झोववजइ सज्जंतं रज्जतं गिझंतं अज्झोववजंतं वा सातिजति ।।
॥तं सेवमाणे आवजइ चाउम्मासियं परिहारट्ठाणं उग्धाइयं॥ चू-एते चोद्दसुत्ता जहा बारसमे उद्देसगे भणिता तहा इहं पि सत्तरसमे उद्देसगे भाणियव्वा । [भा.५९९६] वप्पादी जा विह लोइयादि सद्दादि जो तु अभिधारे।
तं चैव तत्थ दोसा, तं चेव य होति बितियपदं ।। चू-विसेसो तत्थ चक्खुदंसणप्रतिज्ञया, इहं पुण कण्णसवणपडियाए गच्छति, वप्पादिएसु ठाणेसु जे सद्दा ते अभिधारेउं गच्छति ॥
उद्देशकः-१७ समाप्तः मुनि दीपरत्नसागरेण संशोधिता सम्पादिता निशीथ सूत्रे सप्तदशउद्देशकस्य [भद्रबाहुस्वामि रचिता नियुक्ति युक्तं] संघदासगणि विरचितं भाष्यं
एवं जिनदस महत्तर विरचिता चूर्णिः परिसमाप्ता
Jain Education International
For Private & Personal Use Only
www.jainelibrary.org
