________________
| संखिज्जमि उकाले दीवसमुद्दाऽवि हुँति संखिजा। कालंमि असंखिजे दीवसमुद्दा उ भइअव्वा ॥५३॥ काले चण्ह वुड्ढीकालो | भइअव्वु खित्तवुड्ढीए। वुड्ढीए दव्वपज्जव भइअव्वा खित्तकाला ॥५४॥ सुहुमो य होइ कालो तत्तो सुहमयरयं हवइ खित्त। अंगुलसेढीमित्ते ओसप्पिणिओ असंखिज्जा ॥५५॥ सेत्तं वड्ढमाणयं ओहिनाणं १२॥ से किं तं हीयमाणयं ओहिनाणं?, २ अप्पसत्थेहिं अन्झवसाणहाणेहिं वट्टमाणस्स संकिलिस्समाणस्स संकिलिस्समाणचरित्तस्स सव्वओ समंता ओही परिहायइ, सेत्तं हीयमाणयं ओहिनाणं १३ से किं तं पडिवाइओहिनाणं?, २ जहण्णेणं अंगुलस्स असंखिज्जइभागं वा संखिजभागं वा वालग्गं वा वालग्गपुहत्तं वा लिक्खं वा लिक्खपुहुत्तं वा जूअं वा जूयपहत्तं वा जवं वा जवाहत्तं वा अंगुलं वा अंगुलपुहत्तं वा पायं वा पायपुहुत्तं वा विहत्थी वा विहस्थिपुहत्तं वा रयणिं वा स्यणिपुहुत्तं वा कुच्छि वा कुच्छियहत्तं वा धगुंवा धणुपुहुत्तं वा गाउअं वा गाउपहत्तं वा जीअणं वा जोअणपुहुत्तं वा जोअणसयं वा जोयणसयपुहुत्तं वा जोयणसहस्सं वा जोयणसहस्सपहुत्तं वा जोअणलक्खं वा जोअणलक्खपुहुत्तं वा जोयणकोडिं वा जोयणकोडिपुहुत्तं वा संखेज्जाणि वा असंखेन्जाणि वा जोयणसहस्साई उक्कोसेणं लोगं वा पासित्ताणं पडिवइन्जा, सेत्तं पडिवाइओहिनाणं १४। से किं तं अपडिवाइओहिनाणं?, २ जेणं अलोगस्स एगमवि आगासपएसं जाणइ पासइ, तेण परं अपडिवाइओहिनाणं, सेत्तं अपडिवाइओहिनाणं ।१५। तं समासओ चव्विहं पण्णत्तं, तंजहा दव्वओ खित्तओ कालओ भावओ, तत्थ दव्वओ णं ओहिनाणी जहन्नेणं अणंताई रूविदव्वाइं जाणइ पासइ उक्कोसेणं ॥ श्रीनन्दीसूत्र ।
पू. सागरजी म. संशोधित
