Agam 44 Chulika 01 Nandi Sutra Shwetambar

Author(s): Sudharmaswami, Purnachandrasagar
Publisher: Jainanand Pustakalay

Page 42

किं आवस्सगस्स उद्देसो समुद्देसो अणुण्णा अणुओगो पवत्तइ? आवस्सगवइरित्तस्स०? गो०! आवस्सगस्सवि उद्देसो०, आवस्सगवइरित्तस्सवि उद्देसो०, जइ आवस्सगस्स उद्देसो किं सामाइयस्स चवीसत्थयस्स वंदणस्स पडिक्कमणस्स काउस्सग्गस्स पच्चक्खाणस्स?, सव्वेसिं एतेसिं उद्देसो समुद्देसो अणुण्णा अणुओगो पवत्तइ, जइ आवस्सगवइरित्तस्स उद्देसो० किं कालियसुयस्स उद्देसो०?, उक्कालियसुयस्स उद्देसो०? कालियस्सवि उद्देसो०, उक्कालियस्सवि उद्देसो० जइ उक्कालियस्स उद्देसो किं दसवेकालियस्स कप्पियाकप्पियस्स चुल्लकप्पसुयस्स महाकप्पसुयस्स उववाइयसुयस्स रायपसेणीसुयस्स जीवाभिगमस्स पण्णवणाए महापण्णवणाए पमायय्पमायस्स नंदीए अणुओगदाराणं देविंदथयस्स तंदुलवेयालियस्स चंदाविज्झयस्स सूरपण्णत्तीए पोरिसिमंडलस्स मंडलप्पवेसस्स विग्जाचरणविणिच्छियस्स गणिविज्जाए संलेहणासुयस्स विहारकप्पस्स वीयरागसुयस्स झाणविभत्तीए मरणविभत्तीए मरणविसोहीए आयविभत्तीए आयविसोहीए चरणविसोहीए आउरपच्चक्खाणस्स महापच्चक्खाणस्स? सव्वेसिं एएसिं उद्देसो समुद्देसो अणुण्णा अणुओगो पवत्तइ, जइ कालियस्स उद्देसो जाव अणुओगो पवत्तइ किं उत्तरझ्यणाणं दसाणं कप्पस्स ववहारस्स निसीहस्स महानिसीहस्स इसिभासियाणं जंबुद्दीवपण्णत्तीए चंदपण्णत्तीए दीवपण्णत्तीए सागरपण्णत्तीए खुड्डियाविमाणपविभत्तीए महल्लियाविमाणपविभत्तीए अंगचूलियाए वग्गचूलियाए विवाहचूलियाए अरुणोववाए वरुणोववाए गरुलोववाए धरणोववाए वेसमणोववाए वेलंधरोववायस्स देविंदोववायस्स उट्ठाणुसुयस्स समुट्ठाणसुयस्स नागपरियावणियाणं ॥ श्रीनन्दीसूत्रं ॥
पू. सागरजी म. संशोधित