Agam 31 Chulika 01 Nandi Sutra Nandi Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 9

नंदी
२५२ १०. से किं तं आणुगामियं ओहिनाणं ? आणुगामियं ओहिनाणं दुविहं पण्णत्तं, तं जहा
अंतगयं च मज्झगयं च ।। ११. से किं तं अंतगयं ? अंतगयं तिविहं पण्णत्तं, तं जहा-पुरओ अंतगयं, मग्गओ अंत
गयं, पासओ अंतगयं ॥ १२. से किं तं पुरओ अंतगयं ? पुरओ अंतगयं-से जहानामए केइ पुरिसे उक्कं वा चुड
लियं वा अलायं वा मणि वा 'जोइं वा पईवं वा पुरओ काउं पणोल्लेमाणे-पणो
ल्लेमाणे गच्छेज्जा । सेत्तं पुरओ अंतगयं ।। १३. से कि तं मग्गओ अंतगयं? मग्गओ अंतगयं-से जहानामए केइ पुरिसे उक्कं वा
चुडलियं वा अलायं वा मणि वा जोई वा पईवं वा मग्गओ काउं अणुकड्ढेमाणे
-अणुकड्ढेमाणे गच्छेज्जा । सेत्तं मग्गओ अंतगयं ।। १४. से किं तं पासओ अंतगयं ? पासओ अंतगयंसे जहानामए केइ पुरिसे उक्कं वा
चुडलियं वा अलायं वा मणि वा जोई वा पईवं वा पासओ काउं परिकड्ढेमाणे
परिकड्ढेमाणे गच्छेज्जा । सेत्तं पासओ अंतगयं । सेत्तं अंतगयं ।। १५. से किं तं मझगयं ? मज्झगयं - से जहानामए केइ पुरिसे उक्कं वा चुडलियं वा
अलायं वा मणि वा जोइं वा पईवं वा मत्थए काउ' गच्छेज्जा । सेत्तं मझगयं ।। १६. अंतगयस्स मझगयस्स य को पइविसेसो ? पुरओ अंतगएणं ओहिनाणेणं पुरओ चेव
संखेज्जाणि वा असंखेज्जाणि वा जोयणाई जाणइ पासइ । मग्गओ अंतगएणं ओहिनाणेणं मग्गओ चेव संखेज्जाणि वा असंखेज्जाणि वा जोयणाई' जाणइ पासइ । पासओ अंतगएणं ओहिनाणेणं पासओ चेव संखज्जाणि वा असंखेज्जाणि वा जोयणाई जाणइ पासइ। मज्झगएणं ओहिनाणेणं सवओ समता संखेज्जाणि वा असंखेज्जाणि वा जोयणाई
जाणइ पासइ । सेत्तं आणुगामियं ओहिनाणं ।। १७. से कि तं अणाणुगामियं ओहिनाण? अणाणुगामियं ओहिनाणं-से जहानामए केइ
पुरिसे एगं महंत जोइट्टाणं काउं तस्मेव जोइटाणस्स परिपेरंतेहि-परिपेरंतेहि परिघोलेमाणे-परिघोलेमाणे तमेव जोइट्ठाणं पासइ, अण्णत्थ गए न पासइ । एवमेव अणाणुगामियं ओहिनाणं जत्थेव समुप्पज्जइ तत्थेव संखेज्जाणि वा असंखेज्जाणि वा संबद्धाणि वा असंबद्धाणि वा जोयणाइं जाणइ पासइ, अण्णस्थ गए ण पासइ । सेत्तं अणाणुगामियं ओहिनाणं ।।
१. चलियं (क, ख); अत्रार्थसमीक्षापूर्वकमस्मा-
भिश्न णि वृत्ति सम्मतः पाठः स्वीकृतः । २. पईवं वा जोई वा (क, ख) सर्वत्र ।
३. काउं समुव्वहमाणे समुव्वहमाणे (क, ख)। ४. एवामेव (ख)।