Agam 31 Chulika 01 Nandi Sutra Nandi Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 35

२००
नंदी
१२१. से कि तं गंडियाणुओगे ? गंडियाणुओगे कुलगरगंडियाओ, तित्थयरगंडियाओ,
चक्कवट्टिगंडियाओ, दसारगंडियाओ, बलदेवगंडियाओ, वासुदेवगंडियाओ, गणधरगंडियाओ, भद्दबाहुगंडियाओ, तवोकम्मगंडियाओ, हरिवंसगंडियाओ, ओसप्पिणीगंडियाओ, उस्सप्पिणीगडियाओ, चित्तरगंडियाओ, अमर-नर-तिरिय-निरय-गइगमण-विविह-परियट्टणेसु, एवमः इयाओ गंडियाओ' आघविज्जति' ! सेत्तं गंडियाणु
ओगे । सेत्तं अणुओगे।। १२२. से किं तं चूलियाओ ? चूलियाओ--आइल्लाणं चउण्हं पुव्वाणं चूलिया, सेसाई
पुवाइं अचूलियाई । सेत्तं चूलियाओ।। १२३. दिदिवायस्स णं परित्ता वायणा, संखेज्जा अणुओगदारा, संखेज्जा वेढा, संखेज्जा
सिलोगा, संखेज्जाओ पडिवत्तीओ, संखेज्जाओ निज्जुत्तीओ, संखेज्जाओ संगहणीओ। से णं अंगट्टयाए बारसमे अंगे, एगे सुयक्खंधे, चोद्दस पुब्वाइं, संखेज्जा वत्थू, संखेज्जा चुल्लवत्थू, संखेज्जा पाहुडा, संखेज्जा पाहुडपाहुडा, संखेज्जाओ पाहुडियाओ, संखेज्जाओ पाहुडपाहुडियाओ, संखेज्जाइं पयसहस्साई पयग्गेणं, संखेज्जा अक्खरा, अणंता गमा, अणंता पज्जवा, परित्ता तसा, अणंता थावरा, सासय-कड-निबद्धनिकाइया जिणपण्णत्ता भावा आघविज्जति पण्ण विज्जति परूविज्जति दसिज्जति निदंसिज्जति उवदंसिज्जति । से एवं आया, एवं नाया, एवं विष्णाया, एवं चरण-करण-परूवणा आधविज्जति ।
सेत्तं दिट्ठिवाए ।। १२४. इच्चेइयम्मि दुवालसंगे गणिपिडगे अणंता भावा, अणंता अभावा, अणता हेऊ,
अणंता अहेऊ, अणंता कारणा, अणंता अकारणा, अणंता जीवा, अणंता अजीवा, अणंता भवसिद्धिया, अणंता अभवसिद्धिया, अणंता सिद्धा, अणंता असिद्धा पण्णत्ता। संगहणी-गाहा
भावमभावा हेऊ, महेऊ कारणमकारणा' चेव ।
जीवाजीवा भवियमभविया सिद्धा असिद्धा य ।।१।। १२५. इच्चेइयं दुवालसंगं गणिपिडगं तीए काले अणंता जीवा आणाए विराहित्ता चाउ
रंत संसारकंतारं अणुपरियट्टिसु । इच्चेइयं दुवालसंगं गणिपिडगं पडुप्पण्णकाले परित्ता जीवा आणाए विराहित्ता चाउरतं संसारकंतारं अणुपरियट्ट ति । इच्चेइयं दुवालसंग गणिपिडगं अणागए काले अणंता जीवा आणाए विराहित्ता चाउरंतं संसारकंतारं अणुपरियट्टिस्संति ।
१. परियट्टणाणुओगेसु (क, ख)। २. X (क, ख)। ३. आषविज्जति पणविज्जति (क, ख)
४. दुवालसमे (पु)। ५. मकारणे (क,ख)। ६. इच्चेतं (पइण्णग समवाय सू० १३२) सर्वत्र ।