Agam 31 Chulika 01 Nandi Sutra Nandi Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 11

२५४
नंदी सहस्सं वर जोयणसहस्सपुहत्तं वा, 'जोयणलक्खं वा जोयणलक्खपुहत्तं' वा जोयणकोडिं वा जोयणकोडिपहत्तं वा, जोयणकोडाकोडि वा जोयणकोडाकोडिपहत्तं दा,
उक्कोसेणं लोग वा---पासित्ताणं पडिवएज्जा । सेत्तं पडिवाइ ओहिनाणं ! २१. से कि तं अपडिवाइ ओहिनाणं ? अपडिवाइ ओहिनाणं-जेणं अलोगस्स एगमवि
आगासपएसं पासेज्जा, तेण परं अपडिवाइ ओहिनाणं ! सेत्तं अपडिवाइ
ओहिनाणं ॥ २२. तं समासओ चउविहं पण्णत्तं, तं जहा-दव्वओ, खेत्तओ, कालओ, भावओ।
तत्थ दव्वओ णं ओहिनाणी जहण्णणं अणंताई रूविदव्वाई जाणइ पासइ । उक्कोसेणं सव्वाइं रूविदव्वाइं जाणइ पासइ । खेत्तओ णं ओहिनाणी जहण्णेणं अंगुल स्स असंखेज्जइभागं जाणइ पासइ । उक्कोसेणं असंखेज्जाइं अलोगे' लोयमेत्ताइ खंडाई जाणइ पासइ । कालओ णं ओहिनाणी जहण्णेणं आवलियाए असंखेज्जइभागं जाणइ पासइ। उक्कोसेणं असंखेज्जाओ 'ओसप्पिणीओ उस्सप्पिणीओ' अईयमणागयं च कालं जाणइ पासइ। भावओ णं ओहिनाणी जहणणं अणते भावे जाणइ पासइ । उक्कोसेण वि अणते भावे जाणइ पासइ, सव्वभावाणमणंतभागं जाणइ पासइ ।
ओही भवपच्चइओ, गुणगच्चइओ य वण्णिओ एसो' । तस्स य बहू विगप्पा, दव्वे खेत्ते य काले य॥१॥ नेरइयदेवतित्थंकरा य, ओहिस्सवाहिरा' हुंति ।
पासंति सव्वओ खलु, सेसा देसेण पासति ।।२।। सेत्तं ओहिनाणं ॥ मणपज्जवनाण-पदं २३. से कि तं मणपज्जवनाणं ? 'मणपज्जवनाणे ण भते"! कि मणुस्साणं उप्पज्जइ ?
अमणुस्साणं? गोयमा ! मणुस्साणं, नो अमणुस्साणं ।
१. जोयणसतसहस्सं वा जोयण सतसहस्सपुहत्तं
२. जाणइ पासइ (क, ख) । ३. अलोगाइ (क)। ४. लोयणमाणमेत्ताई (क, ख); लोयप्पमाणाई
७ ओहिस्स+अवाहिरा =ओहिस्सबाहिरा । ८. x (चू); धवलायामपि (पट् खण्डागम,
पुस्तक १३, पृष्ठ २६५) एतत्तुल्या गाथा उद्धतास्ति ...... परइय-देव-तिस्थय रोहिक्खेत्तस्स बाहिरं एदे।
जाणंति सव्वदो खलू सेसा देसेण जाणंति । ६. नाणं भंते (क)।
५. उस्मप्पिणीओ अवसप्पिणीओ (क, ख)। ६. दुविहो (क, ख, हपा, मपा)।