Agam 14 Upang 03 Jivabhigam Sutra Part 03 Sthanakvasi

Author(s): Ghasilal Maharaj
Publisher: A B Shwetambar Sthanakwasi Jain Shastroddhar Samiti

Page 16

प्रमेयद्योतिका टीका प्र.३ उ.३ सू.५४ वनषण्डगत वाप्यादीनां वर्णनम् ३ लगा पक्खंदोलणा सव्वरयणामया अच्छा जाव पडिरूवा । तेसु णं उप्पायपव्वएसु जाव पक्खंदोलएसु बहवे हंसासणाई कोंचासणाई गरुलासणाई उण्णयासणाइं पणयासणाई दीहासणाइंभदासणाइं पक्खासणाईमगरासणाइं उसभासणाइंसीहासणाइं पउमासणाई दिसासोवत्थियासणाई सव्वरयणामयाई अच्छाइं सोहाइं लण्हाइं धट्टाई मट्ठाई णीरयाई णिम्मलाई णिप्पंकाइं णिकंकडच्छायाइं सप्पभाई समरीयाई सउज्जोयाइं पासादीयाइं दारिसणिज्जाइं अभिरूवाइं पडिरूवाइं । तस्स णं वणसंडस्स तत्थ तत्थ देसे देसे तहि तहिं बहवे आलिधरा मालिधरा कयलिधरा, लयाधरा अच्छणधरा पेच्छणघरा मजणधरगा पसाहणधरगा गब्भधरगा मोहणधरगा सालधरगा जालधरगा कुसुमधरगा चित्तधरगा गंधव्वधरगा आयंसधरगा सबरयणामया अच्छा सहा लण्हा धटा मटा णीरया णिम्मला णिप्पंका निकंकडच्छाया सप्पभा समरीया सउज्जोया पासादीया दरिसणिज्जा अभिरुवा पडिरूवा । तेसु णं आलिधरएसु जाव आयंसधरएसु बहइं हंसासणाइं जाव दिसासोवत्थियासणाइं सवरयणामयाइं जाव पडिरूबाइं । तस्स णं वणसंडस्स तत्थ तत्थ देसे देसे तहिं तहिं बहवे जाइमंडवगा जुहियामंडवगा णवमालियामंडवगा वासंतीमंडवगा दधिवासुयमंडवगा सूरिल्लिमंडवगा तंबोलीमंडवगा मुदियामंडवगाणागलयामंडवगा अतिसुत्तमंडवगा अप्फोयामंडवगा मालयामंडवगा सामलयामंडवगा णिच्चं कुसुमिया णिच्चं जाव पडिरूवा ॥ तेसु णं जातीमंडवएसु जाव सामलयामंडवेसु बहवे पुढवी सिलापट्टगा पन्नत्ता, तं जहा-हंसासणसंठिया कोंचासणसंठिया गरुलासणसंठिया उण्णयासणसंठिया पणयासणसंठिया दीहासणसंठिया भदासणसंठिया पक्खासणसंठिया मगरासण
જીવાભિગમસૂત્રા