Agam 11 Ang 11 Vipak Sutra Vivagsuya Terapanth

Author(s): Tulsi Acharya, Nathmalmuni
Publisher: Jain Vishva Bharati

Page 107

सतमं अज्झयणं (उंबर दत्ते)
७७७
य प्रणाहाण य समणरण य माहणाण य भिक्खगाण' य करोडियाण य कप्पडियाण य पाउराण य–अप्पेगइयाणं मच्छमंसाई उवदिसइ', अप्पेगइयाणं कच्छभमंसाई, अप्पेगइयाणं गाहमंसाइं. अप्पेगइयाणं मगरमसाई, अप्पेगइयाणं सुसुमारमंसाई, अप्पेगइयाणं अयमसाई, एवं- एलय-रोज्झ-सूयर-मिग-ससय-गोमहिसमसाइं उवदिसइ, अप्पेगइयाणं तित्तिरमंसाइं उव दिसइ, अप्पेगइयाणं वट्ट क-लावक-कवोय-कुक्कुड-मयूरमंसाइं उवदिसइ, अण्णेसि च वहूणं जलयर-थल -यर-खहयरमाईणं मसाई उवदिसइ । अप्पणा विणं से धण्णंतरी वेज्जे तेहिं बहूहिं मच्छमंसेहि य जाव मयूरभंसेहि य, अण्णेहि य बहूहिं जलयर-थलयर-खहयरमंसेहि य, मच्छरसएहि य जाव मयूररसएहि य सोल्लेहि य तलिएहि य भज्जिएहि य सुरं च महुं च मेरगं च जाई च सीधं च पसण्णं च आसाएमाणे
वीसाएमाणे परिभाएमाणे परिभुजेमाणे विहरइ ।। १७. तए णं से धण्णंतरी वेज्जे एयकम्मे एयप्पहाणे एयविज्जे एयसमायारे सुवहुं
पावं कम्मं समज्जिणित्ता बत्तीसं वाससयाई परमाउं पालइत्ता कालमासे कालं किच्चा छट्ठीए पुढवीए उक्कोसेणं बावीससागरोवमट्टिइएसु ने रइएसु नेरइयत्ताए
उववष्णे ॥ उंबरदत्तस्स वत्तमरणभव-वण्णग-पदं १८. तए णं सा गंगदत्ता भारिया जायनिंदुया यावि होत्था--जाया-जाया दारगा
विणिधायमावज्जति ।। १६. तए णं तीसे गंगदत्ताए सत्थवाहीए अण्णया कयाइ पुव्वरत्तावरत्तकालसमयंसि
कुंडंबजागरियं जागरमाणीए अयं अज्झथिए चितिए कप्पिए पत्थिए मणोगए संकप्पे समुप्पण्णे--एवं खलु अहं सागरदत्तेणं सत्थवाहेणं सद्धि बहूई वासाइं उरालाई माणुस्सगाई भोगभोगाई भुंजमाणी विहरामि, नो चेव णं अहं दारगं वा दारियं वा पयामि । तं धण्णासो णं तानो अम्मयानो, संपुग्णाओ णं तानो अम्मयाप्रो, कयत्थानो णं ताप्रो अम्मयाओ, कयपुण्णाओ णं तानो अम्मयाओ, कयलक्खणाओणं ताो अम्मयाग्रो, कयविहवानों णं ताओ अम्मयायो, सूलद्धे णं तासि अम्मयाणं माणस्सए जम्मजीवियफले, जासिं मण्णे नियगकच्छिसंभयगाई थणदुद्धलुद्धयाई महुरस मुल्लावगाई मम्मणपजंपियाइं थणमूला' कक्खदेसभागं अभिसरमाणयाई मुद्धयाई पुणो य कोमलकमलोवमेहिं हत्थेहिं गिण्हिऊण उच्छंगे निवेसियाई देति समुल्लावए सुमहुरे पुणो-पुणो मंजुलप्पभणिए ।
१. भिक्खुयाण (क, ख); भिक्खुणाण (ग);
भिक्खाचरे (घ)। २. उवदंसेइ (घ)। ३. एला (क, घ); वि० १।४।१६ सूत्रे कतिचन
पदानि अधिकानि दृश्यन्ते । ४. थणमूल (क, ख, घ)। ५. अतिसर (क, ख, ग, घ)।