Agam 04 Samvayang Gujarati Translation

Author(s): Dipratnasagar, Deepratnasagar
Publisher: Dipratnasagar, Deepratnasagar

Page 11

આગમસૂત્ર 4, અંગસૂત્ર 4, “સમવાય' સમવાય-૫ સૂત્ર-૫ 1. પાંચ ક્રિયાઓ કહી છે - કાયિકી-(કાયા દ્વારા થતી ક્રિયા), આધિકરણિકી-(શસ્ત્ર આદિ અધિકરણ દ્વારા થતી ક્રિયા), પ્રાદ્રષિકી-(દ્વેષભાવથી થતી ક્રિયા), પારિતાપનિકી-અન્ય જીવોને પરિતાપ આપવાથી થતી ક્રિયા), પ્રાણાતિપાતિકી-જીવહિંસાથી લાગતી ક્રિયા). 2. પાંચ મહાવ્રતો છે - સર્વથા પ્રાણાતિપાત વિરમણ, સર્વથા મૃષાવાદ વિરમણ, સર્વથા અદત્તાદાના વિરમણ, સર્વથા મૈથુન વિરમણ, સર્વથા પરિગ્રહ વિરમણ. 3. પાંચ કામગુણ-(ઇન્દ્રિયોના વિષયભૂત કામ) છે - શબ્દ, રૂપ, રસ, ગંધ, સ્પર્શ. 4. પાંચ (કર્મને આવવાના) આશ્રયદ્વારો છે - મિથ્યાત્વ, અવિરતિ, પ્રમાદ, કષાય, યોગ. 5. પાંચ (કર્મને આવતા રોકવાના)સંવર દ્વારો છે - સમ્યકત્વ, વિરતિ, અપ્રમાદ, અકષાય, અયોગ. 6. પાંચ નિર્જરા સ્થાનો છે - પ્રાણાતિપાત-મૃષાવાદ-અદત્તાદાન-મૈથુન-પરિગ્રહ પાંચથી. વિરમવું તે. 7. પાંચ સમિતિ-(સમ્યક્ રીતે સાવધાની પૂર્વક વર્તવું)ઓ છે- ઈર્યા-ભાષા-એષણા-આદાનભાંડમાત્ર નિક્ષેપણા-ઉચ્ચારપ્રશ્રવણ-ખેલ સિંધાણ –જલ્લપારિષ્ઠાપનિકા એ પાંચે. સમિતિ. 8. પાંચ અસ્તિકાયો કહ્યા - ધર્માસ્તિકાય, અધર્માસ્તિકાય, આકાશાસ્તિકાય, જીવ અને પુદ્ગલાસ્તિકાય. 1. રોહિણી નક્ષત્રના પાંચ તારા છે, 2. પુનર્વસુ, 3. હસ્ત, 4. વિશાખા અને 5. ઘનિષ્ઠા એ બધા. નક્ષત્રના પાંચ-પાંચ તારા છે. 1. આ રત્નપ્રભા પૃથ્વીમાં કેટલાક નારકીઓની પાંચ પલ્યોપમ સ્થિતિ છે. 2. ત્રીજી પૃથ્વીમાં કેટલાક નારકીઓની પાંચ સાગરોપમ સ્થિતિ છે. 3. કેટલાક અસુરકુમાર દેવોની પાંચ પલ્યોપમ સ્થિતિ છે. 4. સૌધર્મ-ઈશાન કલ્પે કેટલાક દેવોની પાંચ પલ્યોપમ સ્થિતિ છે. 5. સનકુમારમાહેન્દ્ર કલ્પે કેટલાક દેવોની સ્થિતિ પાંચ સાગરોપમ છે. 6. જે દેવો વાત, સુવાત, વાતાવર્ત, વાતપ્રભ, વાતકાંત, વાતવર્ણ, વાતલેશ્ય, વાતધ્વજ, વાતશૃંગ, વાતશિષ્ટ, વાતકૂટ, વાતોત્તરાવતંસક, સૂર, અસૂર, સૂરાવર્ત, સૂરપ્રભ, સૂરકાંત, સૂરવર્ણ, સૂરલેશ્ય, સૂરધ્વજ, સૂરશૃંગ, સૂરશિષ્ટ, સૂરકૂટ, સૂરોત્તરાવતંસક નામક વિમાને દેવ થાય તેની પાંચ સાગરોપમ સ્થિતિ છે. તે દેવો પાંચ અર્ધમાસે આન-પ્રાણ ઉચ્છવાસ-નિઃશ્વાસ લે છે, 5000 વર્ષે આહારેચ્છા થાય છે. કેટલાક ભવસિદ્ધિક જીવો પાંચ ભવ ગ્રહણ કરીને સિદ્ધ થશે યાવતું દુઃખોનો અંત કરશે. સમવાય-પનો મુનિ દીપરત્નસાગર કૃત ભાવાનુવાદ પૂર્ણ મુનિ દીપરત્નસાગર કૃત “(સમવાય)” આગમસૂત્ર ભાવાનુવાદ Page 11