Agam 04 Samvayang Gujarati Translation

Author(s): Dipratnasagar, Deepratnasagar
Publisher: Dipratnasagar, Deepratnasagar

Page 16

આગમસૂત્ર 4, અંગસૂત્ર 4, “સમવાય' સમવાય-૧૦ સૂત્ર-૧૪ દશ ભેદે શ્રમણધર્મ કહ્યો- શાંતિ, મુક્તિ, આર્જવ, માર્દવ, લાઘવ, સત્ય, સંયમ, તપ, ત્યાગ, બ્રહ્મચર્યવાસ. ચિત્ત સમાધિ સ્થાનો દશ કહ્યા - 1. સર્વ ધર્મ જાણવાને પૂર્વે અસમુત્પન્ન ધર્મચિંતા ઉત્પન્ન થવી. 2. સ્વપ્નદર્શન પૂર્વે અસમુત્પન્ન હોય તે ઉત્પન્ન થાય, યથાતથ્ય સ્વપ્ન જુએ. 3. પૂર્વે અસમંત્પન્ન સંજ્ઞીજ્ઞાન ઉત્પન્ન થતા પૂર્વભવનું સ્મરણ થાય. 4. પૂર્વે અસમુત્પન્ન દેવદર્શન ઉત્પન્ન થતા દિવ્ય-દેવદ્ધિ, દેવદ્યુતિ, દૈવાનુભાવ જુએ. 5. પૂર્વે અસમુત્પન્ન અવધિ જ્ઞાન ઉપજતા અવધિ વડે લોકો જાણે. 6. પૂર્વે અસમુત્પન્ન અવધિદર્શના ઉપજતા તેના વડે લોકને જુએ છે. 7. પૂર્વે અસમંત્પન્ન મન:પર્યવજ્ઞાન ઉપજતા મનોગત ભાવને જાણે. 8. અસમુત્પન્ન કેવલજ્ઞાન ઉપજતા સર્વ લોકને જાણે. 9. પૂર્વે અસમુત્પન્ન કેવલદર્શન ઉપજતા સર્વલોકને જુએ. 10. સર્વ દુઃખના ક્ષય માટે કેવલીમરણે મરણ પામે. સિદ્ધ થાય.. મેરુ પર્વતનો વિકૅભ મૂલમાં 10,000 યોજન છે. અરિષ્ટનેમિ અહંતુ દશ ધનુષ ઊંચા હતા. કૃષ્ણ વાસુદેવા દશ ધનુષ ઊંચા હતા. રામ બલદેવ દશ ધનુષ ઊંચા હતા. દશ નક્ષત્રો જ્ઞાનવૃદ્ધિકર છે, તે આ પ્રમાણેસૂત્ર-૧૫ મૃગશીર્ષ, આદ્ર, પુષ્ય, ત્રણ પૂર્વા, મૂલ, આશ્લેષા, હસ્ત, ચિત્રા, સૂત્ર-૧૬,૧૭ 16. અકર્મ ભૂમિમાં મનુષ્યોને ઉપભોગને માટે દશવિધ વૃક્ષો ઉપસ્થિત છે, તે આ 17. મત્તાંગક, ભૃગ, ત્રુટિતાંગ, દીપશિખ, જ્યોતિ, ચિત્રાંગ, ચિત્રરસ, મયંગ, ગેહાકાર, અનગ્ન. સૂત્ર-૧૮ આ રત્નપ્રભા પૃથ્વીમાં કેટલાક નૈરયિકોની જઘન્ય 10,000 વર્ષ સ્થિતિ છે. રત્નપ્રભામાં કેટલાક નૈરયિકોની દશ પલ્યોપમ સ્થિતિ છે. ચોથી નરકમાં દશ લાખ નરકાવાસ છે. ચોથી પૃથ્વીમાં નારકોની ઉત્કૃષ્ટ સ્થિતિ દશ સાગરોપમ છે. પાંચમી નરકમાં નારકોની જઘન્ય સ્થિતિ દશ સાગરોપમ છે. અસુરકુમારોની જઘન્ય સ્થિતિ 10,000 વર્ષ છે. અસુરેન્દ્ર સિવાયના ભવનપતિ દેવોની જઘન્ય સ્થિતિ 10,000 વર્ષ છે. કેટલાક અસુરકુમારોની સ્થિતિ દશ પલ્યોપમ છે. બાદર વનસ્પતિકાયની ઉત્કૃષ્ટ સ્થિતિ 10,000 વર્ષ છે. વાણવ્યંતરોની જઘન્ય સ્થિતિ 10,000 વર્ષ છે. સૌધર્મ-ઈશાન કલ્પે કેટલાક દેવોની સ્થિતિ દશ પલ્યોપમ છે. બ્રહ્મલોક કલ્પ દેવોની ઉત્કૃષ્ટ સ્થિતિ દશ. સાગરોપમ છે. લાંતક કલ્પ દેવોની જઘન્ય સ્થિતિ દશ સાગરોપમ છે. જે દેવો ઘોષ, સુઘોષ, મહાઘોષ, નંદિઘોષ, સુરવર, મનોરમ, રમ્ય, રમ્યક, રમણીય, મંગલાવર્ત, બ્રહ્મલોકાવતંસક વિમાને દેવ થયા હોય, તેમની ઉત્કૃષ્ટ સ્થિતિ દશ સાગરોપમ છે.તે દેવો દશ અર્ધમાસે આન-પ્રાણ ઉચ્છવાસ-નિઃશ્વાસ લે છે. તે દેવોને 10,000 વર્ષે આહારેચ્છા થાય છે. કેટલાક ભવસિદ્ધિક જીવો દશ ભવ ગ્રહણ કરીને સિદ્ધ-બુદ્ધ-મુક્ત-પરિનિવૃત્ત-સર્વદુઃખાંતકર થશે. સમવાય-૧૦નો મુનિ દીપરત્નસાગર કૃત ભાવાનુવાદ પૂર્ણ મુનિ દીપરત્નસાગર કૃત્ “(સમવાય)” આગમસૂત્ર ભાવાનુવાદ Page 16