Agam 04 Samvayang Gujarati Translation

Author(s): Dipratnasagar, Deepratnasagar
Publisher: Dipratnasagar, Deepratnasagar

Page 40

આગમસૂત્ર 4, અંગસૂત્ર 4, “સમવાય' સમવાય-૩૪ સૂત્ર-૧૧૦ તીર્થંકરના ૩૪-અતિશયો કહ્યા છે. તે આ પ્રમાણે - 1. કેશ, શ્મશ્ન. રોમ, નખમાં વૃદ્ધિ ન થાય. 2. રોગ અને મળરહિત શરીરલતા. 3. ગાયના દૂધ જેવા શ્વેત માંસ અને લોહી. 4. પદ્મ, કમલ જેવા સુગંધી ઉચ્છવાસ-નિઃશ્વાસ, 5. ચર્મચક્ષુથી જોઈ ન શકાય તેવા આહાર-વિહાર. 6. આકાશે રહેલું ધર્મચક્ર, 7. આકાશે રહેલ છત્ર, 8. આકાશે રહેલ શ્વેત ઉત્તમ ચામર, 9. આકાશ જેવા સ્ફટિકમય સપાદપીઠ સિંહાસન, 10. આકાશે રહેલ હજારો પતાકાથી સુશોભિત ઇન્દ્રધ્વજ આગળ ચાલે છે. 11. જ્યાં જ્યાં અરહંત ભગવંત ઊભા રહે કે બેસે, ત્યાં ત્યાં યક્ષ દેવો પત્ર-પુષ્પ-પલ્લવથી વ્યાપ્ત, છત્રધ્વજા-ઘંટા-પતાકાથી યુક્ત શ્રેષ્ઠ અશોકવૃક્ષને નિર્મિત કરે છે. 12. કંઈક પાછળના ભાગે મસ્તક સ્થાને તેજમંડલ ભામંડલ. હોય છે, જે અંધકારમાં દશે દિશા પ્રકાશિત કરે. 13. બહુસમ રમણીય ભૂમિભાગ. 14. કાંટાઓ અધોમુખ થાય છે. 15. વિપરીત ઋતુ પણ સુખ સ્પર્શવાળી થાય છે. 16. શીતલ, સુખ સ્પર્શવાળો સુગંધી વાયુ ચોતરફ એક યોજન પ્રમાથ પૃથ્વીને સ્વચ્છ કરે છે. 17. ઉચિત જળબિંદુની વૃષ્ટિ વડે મેઘ રજ અને રેણુરહિત કરે છે. 18. જળજ, સ્થલજ, ભાસ્વર, નીચા ડીંટવાળા અને પંચવર્તી પુષ્પો વડે ઢીંચણ પ્રમાણ પુષ્પોપચાર કરે છે. 19. અમનોજ્ઞ શબ્દ, સ્પર્શ, રસ, રૂપ, ગંધનો અભાવ છે. 20. મનોજ્ઞ શબ્દાદિ પાંચનો પ્રાદુર્ભાવ હોય. 21. ધર્મોપદેશ સમયે હૃદયગમનીય અને યોજનનીહારી સ્વર. 22. ભગવંત અર્ધમાગધી ભાષામાં ધર્મને કહે 23. તે અર્ધમાગધી ભાષા બોલવામાં આવે ત્યારે તે સર્વ આર્ય, અનાર્ય, દ્વિપદ, ચતુષ્પદ, મૃગ, પશુ, પક્ષી, સરિસૃપાદિ પોતપોતાની હિત-શિવ-સુખદ ભાષામાં પરિણમે છે. 24. પૂર્વબદ્ધ વૈરી એવા દેવ-અસુર, નાગ-સુવર્ણ, યક્ષ-રાક્ષસ, કિન્નર-કુપુરુષ, ગરુડ-ગંધર્વ મહોરગાદિ અરહંતના પાદમૂલે પ્રશાંત ચિત્ત મનથી ધર્મને સાંભળે છે. 25. અન્યતીર્થિકના પ્રવચની પણ વંદન કરે છે. 26. અરહંતના પાદમૂલે આવેલા તેઓ નિરુત્તર થઈ જાય. 27. જ્યાં જ્યાં અરહંત ભગવંત વિચરે ત્યાં ૨૫-યોજન સુધી ઉંદર આદિ ઉપદ્રવ ન હોય. 28. મારી ના હોય, 29. સ્વ-ચક્ર ભય ન હોય, 30. પરચક્ર ભય ન હોય, 31. અતિવૃષ્ટિ ન હોય, 32. અનાવૃષ્ટિ ન હોય, 33. દુર્ભિક્ષ ન હોય, 34. પૂર્વોત્પન્ન ઉત્પાત અને વ્યાધિ તત્કાળ શાંત થાય. જંબુદ્વીપ દ્વીપમાં ૩૪-ચક્રવર્તી વિજય છે - મહાવિદેહમાં 32, ભરતમાં-૧, ઐરવતમાં-૧. જંબુદ્વીપ દ્વીપમાં ૩૪-દીર્ઘવૈતાઢ્યો છે. જંબૂદ્વીપ દ્વીપમાં ઉત્કૃષ્ટથી ૩૪-તીર્થંકરો ઉત્પન્ન થાય છે. અસુરેન્દ્ર અસુરરાજ ચમરના 34 લાખ ભવનો છે. પહેલી-પાંચમી-છઠ્ઠી-સાતમી એ ચારે પૃથ્વીમાં કુલ 34 લાખ નરકાવાસો છે. સમવાય-૩૪નો મુનિ દીપરત્નસાગર કૃત ભાવાનુવાદ પૂર્ણ મુનિ દીપરત્નસાગર કૃત્ “(સમવાય)” આગમસૂત્ર ભાવાનુવાદ Page 40