Agam 04 Ang 04 Samvayang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 13

FOR955555
(8) समवायंगसुत्तं ३-४-५ द्वाणं [२]
1555558Esog
MIO乐乐乐乐乐乐乐乐乐乐历乐乐乐乐乐明明明明明明听听听听听听听听听听听听听听听听听听听听听听听乐乐明明
पण्णत्ता । असंखेज्जावासाउयसण्णिमणुस्साणं अत्थेगतियाणं दो पलितोवमातिं ठिती पण्णत्ता । सोहम्मे कप्पे अत्थेगतियाणं देवाणं दो पलितोवमातिं ठिती पण्णत्ता । ईसाणे कप्पे देवाणं अत्थेगतियाणं दो पलितोवमातिं ठिती पण्णत्ता । सोहम्मे कप्पे देवाणं उक्कोसेणं दो सागरोवमातिं ठिती पण्णत्ता। ईसाणे कप्पे देवाणं उक्कोसेणं साहियातिं दो सागरोवमातिं ठिती पण्णत्ता । सणंकुमारे कप्पे देवाणं जहण्णेणं दो सागरोवमातिं ठिती पण्णत्ता । माहिदे कप्पे देवाणं जहण्णेणं साहियातिं दो सागरोवमातिं ठिती पण्णत्ता। (४) जे देवा सुभं सुभकंतं सुभवणं सुभगंधं सुभलेसं सुभफासं सोहम्मवडेंसगं विमाणं देवत्ताते उववण्णा तेसिणं देवाणं उक्कोसेणं दो सागरोवमातिं ठिती पण्णत्ता । ते णं देवा दोण्हं अद्धमासाणं आणमंति वा पाणमंति वा ऊससंति वा नीससंति वा । तेसिंणं देवाणं दोहिं वाससहस्सेहिं आहारद्वे समुप्पज्जति। (५) अत्थेगतिया भवसिद्धिया जीवा जे दोहिं भवग्गहणेहि सिज्झिस्संति बुज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति। [३] **(१) तओ दंडा पण्णत्ता, तंजहा मणदंडे वयदंडे कायदंडे । तओ गुत्तीओ पण्णत्ताओ , तंजहा मणगुत्ती क्यगुत्ती कायगुत्ती। तओ सल्ला पण्णत्ता, तंजहा मायासल्ले णं नियाणसल्ले णं मिच्छादसणसल्ले णं । तओ गारवा पण्णत्ता, तंजहा इड्डीगारवे रसगारवे सायागारवे । तओ विराहणाओ पण्णत्ताओ, तंजहा नाणविराहणा दंसणविराहणा चरित्तविराहणा। (२) मिगसिरणक्खत्ते तितारे पण्णत्ते । पुस्सणक्खत्ते तितारे पण्णत्ते । जेट्ठाणक्खत्ते तितारे पण्णत्ते। अभीइणक्खत्ते तितारे पण्णत्ते । सवणणक्खत्ते तितारे पण्णत्ते । अस्सिणिणक्खत्ते तितारे पण्णत्ते। भरणिणक्खत्ते तितारे पण्णत्ते। (३) इमीसे णं रतणप्पभाए
पुढवीए अत्थेगतियाणं णेरतियाणं तिण्णि पलितोवमातिं ठिती पण्णत्ता । दोच्चाए णं पुढवीए णेरतियाणं उक्कोस्सेणं तिण्णि सागरोवमातिं ठिती पण्णत्ता। तच्चाए णं * पुढवीए णेरतियाणं जहण्णेणं तिण्णि सागरोवमातिं ठिती पण्णत्ता । असुरकु माराणं देवाणं अत्थेगतियाणं तिण्णि पलितोवमाइं ठिती पण्णत्ता।
असंखेनवासाउयसण्णिपंचिंदियतिरिक्खजोणियाणं उक्कोसेणं तिण्णि पलितोवमाइं ठिती पण्णत्ता । असंखेजवासाउयसण्णिगब्भवक्वंतियमणुस्साणं उक्कोसेणं तिण्णि पलितोवमातिं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं तिणि पलितोवमातिं ठिती पण्णत्ता। सणंकुमार-माहिंदेसु कप्पेसु अत्थेगतियाणं देवाणं तिण्णि सागरोवमातिं ठिति पण्णत्ता। (४) जे देवा आभंकर पभंकरं आभंकरपभंकरं चंदं चंदावत्तं चंदप्पभं चंदकंतं चंदवण्णं चंदलेसं चंदज्झयं चंदरूवं चंदसिंगं चंदसिटुं चंदकूडं चंदुत्तरवडेंसगं विमाणं देवत्ताते उववण्णा तेसिंणं देवाणं उक्कोसेणं तिण्णि सागरोवमातिं ठिति पण्णत्ता । ते णं देवा तिण्हं अद्धमासाणं आणमंति वा पाणमंति वा ऊससंति वा नीससंति वा । तेसिंणं देवाणं उक्कोसेणं तिहिं वाससहस्सेहिं आहारट्टे समुप्पज्जति। ५) संतेगतिया भवसिद्धिया जीवा जे तिहिं भवग्गहणेहिं सिज्झिस्संति जाव सव्वदुक्खाणमंतं करिस्संति । [४]★★★ (१) चत्तारि कसाया पण्णत्ता, तंजहा कोहकसाए माणकसाए मायाकसाए लोभकसाए। चत्तारि झाणा पण्णत्ता, तंजहा अट्टे झाणे, रुद्दे झाणे, धम्मे झाणे सुक्के झाणे । चत्तारि विगहातो पण्णत्तातो, तंजहा इत्थिकहा भत्तकहा रायकहा देसकहा । चत्तारि सण्णा पण्णत्ता, तंजहा आहारसण्णा भयसण्णा मेहुणसण्णा परिग्गहसण्णा । चउविहे बंधे पण्णत्ते, तंजहा पगडिबंधे ठितिबंधे अणुभावबंधे पदेसबंधे। चउगाउए जोयणे पण्णत्ते। (२) अणुराहाणक्खत्ते चउतारे पण्णत्ते ।पुव्वासाढणक्खत्ते चउतारे पण्णत्ते ।उत्तरासाढनक्खत्ते चउतारे पण्णत्ते। (३) इमीसे णं रयणप्पभाए पुढवीए अत्थेगतियाणं नेरइयाणं चत्तारि पलितोवमातिं ठिती पण्णत्ता । तच्चाए णं पुढवीए अत्थेगतियाणं नेरइयाणं चत्तारि सागरोवमातिं ठिती पण्णत्ता । असुरकुमाराणं देवाणं अत्थेगतियाणं चत्तारि पलितोवमातिं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं चत्तारि पलितोवमाई ठिती पण्णत्ता । सणंकुमार-माहिदसु कप्पेसु अत्थेगतियाणं देवाणं चत्तारि सागरोवमातिं ठिती पण्णत्ता। ४. जे देवा किट्टि सुकिट्टि किट्ठियावत्तं किट्ठिप्पभं किट्ठिजुत्तं किट्ठिवण्णं
किट्ठिलेसं किट्ठिज्झयं किट्ठिसिंगं किट्ठिसिटुं किट्ठिकूडं किट्ठत्तरवडेंसगं विमाणं देवत्ताते उववण्णा तेसिणं देवाणं उक्कोसेणं चत्तारि सागरोवमातिं ठिती पण्णत्ता । तेणं म देवा चउण्ह अद्धमासाणं आणमंति वा पाणमंति वा ऊससंति वा नीससंति वा । तेसि णं देवाणं चउहिं वाससहस्सेहिं आहारट्ठे समुप्पज्जति । ५. अत्थेगतिया ॥ ५ भवसिद्धिया जीवा जे चउहिं भवग्गहणेहिं सिज्झिस्संति जाव सव्वदुक्खाणं अंतं करेस्संति । [५] *** (१) पंच किरियातो पण्णत्तातो, तंजहा काइया
55555555% %%%%%%%%%%%% mammanager, in EEE $$$%%%%%%%%%%%%%%%%%5520
GO乐乐听听听听听听听听听乐明明乐乐明明明明明明明明明明明明明明明明明明明明明明明明明明明明明明明明EIC
educaton International
P
ARLIA Only