Agam 04 Ang 04 Samvayang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 32

MSACM351
55555555
2SC明乐乐乐听听听听听听听听听听听听听听听听听听听听听听听听明明明明明明明明明明明明明明明明明明明明5C
| धरणस्स णं नागिंदस्स नागरण्णो चोत्तालीसंभवणावाससयसहस्सा पण्णत्ता । महालियाए णं विमाणपविभत्तीए चउत्थे वग्गे चोत्तालीसं उद्देसणकाला पण्णत्ता [४५] समयखेत्ते णं पणतालीसं जोयणसतसहस्साइं आयामविक्खंभेणं पण्णते । सीमंतए णं नरए पणतालीसं जोयणसतसहस्साई आयामविक्खंभेणं पण्णत्ते । एवं उडुविमाणे पण्णत्ते । ईसिपब्भारा णं पुढवी पण्णत्ता एवं चेव । धम्मे णं अरहा पणतालीसं धणूई उहृउच्चत्तेणं होत्था । मंदरस्स णं पव्वतस्स चउद्दिसिं पि पणतालीसं पणतालीसं जोयणसहस्साई अबाधाते अंतरे पण्णत्ते । सव्वे विणं दिवड्डखेत्तिया नक्खत्ता पणतालीसं मुहुत्ते चंदेण सद्धिं जोगं जोएंसु वा जोएंति वा जोइस्संति वा - "तिन्नेव उत्तराई, पुणव्वसू रोहिणी विसाहा य । एते छन्नक्खत्ता, पणतालमुहत्तसंजोगा" ॥५८|| महालियाए णं विमाणपविभत्तीए पंचमे वग्गे पणतालीसं उद्देसणकाला पण्णत्ता। [४६] *** दिट्ठिवायस्स णं छायालीसं माउयापया पण्णत्ता । बंभीए णं लिवीए छायालीसं माउयक्खरा पण्णत्ता। पभंजणस्सणं वातकुमारिंदस्स छायालीसंभवणावाससतसहस्सा पण्णत्ता। [४७] जया णं सूरिए सव्वब्भंतरं मंडलं उवसंकमित्ता णं चारं चरति तयाणं इहगतस्स मणूसस्स सत्तचत्तालीसं जोयणसहस्सेहिं दोहि य तेवढेहिं जोयणसतेहिं एक्कवीसाए य सट्ठिभागेहिं जोयणस्स सूरिए चक्खुफासं हव्वमागच्छति। थेरेणं अग्गिभूती सत्तचत्तालीसं वासाई अगारमज्झावसित्ता मुंडे भवित्ता णं अगारातो अणगारियं पव्वइते । [४८]एगमेगस्स णं रन्नो चाउरंतचक्कवट्टिस्स अडयालीसं पट्टणसहस्सा पण्णत्ता। धम्मस्सणं अरहतो अडयालीसंगणा अडयालीसंगणहरा होत्था। सूरमंडलेणं अडयालीसं एकसट्ठिभागे जोयणस्स विक्खंभेणं पण्णत्ते। [४९] सत्तसत्तमिया णं भिक्खुपडिमा एकूणपण्णाए रातिदिएहिं छण्णउएण भिक्खासतेणं अहासुत्तं आराहिया भवइ । देवकुरु-उत्तरकुरासुणं मणुया एकूणपण्णाए रातिदिएहिं संपत्तजोव्वणा भवंति । तेइंदियाणं उक्कोसेणं एकूणपण्णं रातिदिया ठिती पण्णत्ता। [५०]★★★ मुणिसुव्वयस्स णं अरहतो पंचासं अज्जियासाहस्सीतो होत्था । अणंतीणं अरहा पण्णासं धणूइं उडुंउच्चत्तेणं होत्था । पुरिसोत्तमे णं वासुदेवे पण्णासं धणूई उहुंउच्चत्तेणं होत्था । सव्वे विणं दीहवेयड्डा मूले पण्णासं २ जोयणाणि विक्खंभेणं पण्णत्ता । लंतए कप्पे पण्णासं विमाणावाससहस्सा पण्णत्ता । सव्वातो णं तिमिसगुहा-खंडगप्पवातगुहातो पण्णासं २ जोयणाई आयामेणं पण्णत्तातो। सव्वे वि णं कंचणगपव्वया सिहरतले पण्णासं २ जोयणाई विक्खंभेणं पण्णत्ता। [५१] नवण्हं बंभचेराणं एकावण्णं उद्देसणकाला पण्णत्ता । चमरस्सणं असुरिंदस्स असुररन्नो सभा सुधम्मा एकावण्णखंभसतसन्निविठ्ठा पण्णत्ता । एवं चेव बलिस्स वि। सुप्पभे णं बलदेवे एकावण्णं वाससतसहस्साइं परमाउ पालइता सिद्धे बुद्धे जाव प्पहीणे । दसणावरण-नामाणं दोण्हं कम्माणं एकावण्णं उत्तरपगडीतो पण्णत्तातो। [५२]★★★ मोहणिज्जस्स णं कम्मस्स बावण्णं नामधेज्जा पण्णत्ता, तंजहा कोहे कोवे रोसे दोसे अखमा संजलणे कलहे चंडिक्के भंडणे विवाए १०, माणे मदे दप्पे थंभे अत्तुक्कोसे गव्वे परपरिवाए उक्कोसे अवकोसे उण्णते उण्णामे २१, माया उवही नियडी वलए गहणे णूमे कक्के कुरुते दंभे कूडे झिम्मे किब्बिसिए आवरणया गृहणया वंचणया पलिकुंचणया सातिजोगे ३८, लोभे इच्छा मुच्छा कंखा गेही तण्हा भिज्जा अभिज्जा कामासा भोगासा जीवितासा मरणासा नंदी रागे ५२ । गोथुभस्स णं आवासपव्वतस्स पुरथिमिल्लातो चरिमंतातो वलयामुहस्स महापायालस्स पच्चत्थिमिले चरिमंते एस णं बावण्णं जोयणसहस्साई अबाहाते अंतरे पण्णत्ते । दओभासस्स णं [आवासपव्वतस्स दाहिणिल्लातो चरिमंतातो] केउगस्स [महापायालस्स उत्तरिल्ले चरिमंते एस णं बावण्णं जोयणसहस्साइं अबाहाते अतंरे पण्णत्ते] । संखस्स [णं आवासपव्वतस्स पच्चत्थिमिल्लातो चरिमंतातो] जुयकस्स [महापायालस्स पुरथिमिल्ले चरिमंते एस णं बावण्णं जोयणसहस्साई अबाहाते अतरे पण्णत्ते] । दगसीमस्स णं आवासपव्वतस्स उत्तरिल्लातो चरिमंतातो ईसरस्स महापायालस्स दाहिणिल्ले चरिमंते एस णं बावण्णं जोयणसहस्साइं अबाहाते अंतरे पण्णत्ते। नाणावरणिज्जस्स नामस्स अंतरातियस्स एतेसिणं तिण्हं कम्मपगडीणं बावण्णं उत्तरपगडीतो पण्णत्तातो। सोहम्म-सणंकुमार-माहिदैसु तिसु कप्पेसु बावण्णं विमाणवाससतसहस्सा पण्णत्ता। [५३] ★★★ देवकुरु-उत्तरकुरियातो णं जीवातो तेवण्णं २, जोयणसहस्साइं साइरेगाइं आयामेणं पण्णत्तातो । महाहिमवंत-रुप्पीणं वासहरपव्वयाणं जीवातो तेवण्णं २, जोयणसहस्साइं नव य एक्कतीसे जोयणसते छच्च एकूणवीसतिभाए जोयणस्स आयामेणं
55555555 55555552
KO:05555555555555555555/ श्री आगमगुणमजूषा-१९६5555555555555555555FOROR