Agam 04 Ang 04 Samvayang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 46

FAGR9555555555
(४) समवायंगसुत्तं -आवासपण्ण - 'विमाणावसा द्वितीय' - 'सरीर वण्णाओ' [३३]
554549FOLLOY
MOV5555555555555555
कालागुरुपवरकुंदुरुक्कतुरुक्कडझंतधूवमघमघेतगंधुद्धराभिरामा सुगंधवरगंधगंधिया गंधवट्टिभूता अच्छा सण्हालण्हा घट्ठा मट्ठा नीरया णिम्मला वितिमिरा विसुद्धा सप्पभा समिरीया सउज्जोया पासादीया दरिसणिज्जा अभिरूवा पडिरूवा । एवं जस्स जं कमतीतं तस्स जं जंगाहाहिं भणियं तह चेव वण्णओ। केवतिया णं भंते! पुढविकाइयावासा पण्णत्ता? गोतमा ! असंखेज्जा पुढविकाइयावासा पण्णत्ता । एवं जाव मणूस त्ति । केवतिया णं भंते ! वाणमंतरावासा पण्णत्ता ? गोतमा इमीसेणं रतणप्पभाए पुढवीए रयणामयस्स कंडस्स जोयणसहस्सबाहल्लस्स उवरि एगं जोयणसतं ओगाहेत्ता हेट्ठा चेगं जोयणसतं वज्जेत्ता मज्झे अट्ठसुजोयणसतेसु एत्थ णं वाणमंतराणं देवाणं तिरियमसंखेज्जा भोमेज्जणगरावाससतसहस्सा पण्णत्ता । ते णं भोमेज्जा नगरा बाहिं वट्टा अंतो चउरंसा, एवं जहा भवणवासीणं तहेव णेयव्वा, णवरं पडागमालाउळा सुरम्मा पासादीया [दरिसणिज्जा अभिरूवा पडिरूवा] । केवतिया णं भंते ! जोतिसियावासा पण्णत्ता ? गोयमा ! इमीसे णं रयणप्पभाए पुढवीए बहुसमरमणिज्जाओ भूमिभागाओ सत्तनउयाई जोयणसयाइं उडे उप्पतित्ता एत्थणं दसुत्तरजोयणसतबाहल्ले तिरियं जोतिसविसए जोतिसियाणं देवाणं असंखेज्जा जोतिसियविमाणावासा पण्णत्ता । ते णं जोतिसियविमाणावासा अब्भुग्गयभूसियपहसिया विविहमणिरयणभत्तिचित्ता वाउछुतविजयवेजयंतीपडागच्छत्तातिच्छत्तकलिया तुंगा गगणतलमणुलिहंतसिहरा जालंतररयणपंजरुम्मिलित व्व मणिकणगथूभियागा विगसितसतवत्तपुंडरीयतिलयरयणद्धचंदचित्ता अंतो बहिं च सण्हा तवणिज्जवालुगापत्थडा सुहफासा सस्सिरीयरूवा पासादीया दरिसणिज्जा अभिरूवा पडिरूवा । केवइया णं भंते ! वेमाणियावासा पण्णत्ता ? गोयमा ! इमीसे णं रयणप्पभाए पुढवीए बहुसमरमणिज्जओ भूमिभागाओ उड्डे चंदिमसूरियगहगणनक्खत्ततारारूवा णं वीतिवइत्ता बहूणि जोयणाणि बहूणि जोयणसताणि [बहूणि] जोयणसहस्साणि [बहूणि] जोयणसयसहस्साणि [बहुगीतो] जोयणकोडीतो [बहुगीतो] जोयणकोडाकोडीतो असंखेज्जाओ जोयणकोडाकोडीतो उहुं दूरं वीइवइत्ता एत्थणं वेमाणियाणं देवाणं सोहम्मीसाण-सणंकुमार-माहिंद-बंभ-लंतग-सुक्क-सहस्सारआणय-पाणय-आरण-ऽच्चुएसु गेवेज्जमणुत्तरेसु य चउरासीति विमाणावाससयसहस्सा सत्ताणउतिं च सहस्सा तेवीसं च विमाणा भवंतीति मक्खाया। ते णं विमाणा अच्चिमालिप्पभा भासरासिवण्णाभा अरया नीरया णिम्मला वितिमिरा विसुद्धा सव्वरयणामया अच्छा सण्हा लण्हा घट्ठा मट्ठा णिप्पंका णिक्वंकडच्छाया सप्पभा समिरिया सउज्जोया पासादीया दरिसणिज्जा अभिरूवा पडिरूवा । सोअम्मे णं भंते ! कप्पे केवतिया विमाणावासा पण्णत्ता ? गोयमा ! बत्तीसं विमाणावाससयसहस्सा पण्णत्ता । एवं ईसाणाइसु २८।१२।८।४। एयाई सयसहस्साई, आणए पाणए चत्तारि, आरणच्चुए तिण्णि, एयाणि सयाणि, एवं गाहाहिं भाणियव्वं । [१५१] नेरइयाणं भंते ! केवतियं कालं ठिती पण्णत्ता ? गोयमा ! जहन्नेणं दस वाससहस्साई, उक्कोसेणं तेत्तीसं सागरोवमाइं ठिती पण्णत्ता । अपज्जत्तगाणं भंते ! नेरइयाणं केवतियं कालं ठिती पण्णत्ता ! गोयमा ! जहन्नेणं अंतोमुहुत्तं, उक्कोसेण वि अंतोमुहुत्तं । पज्जत्तगाणं जहन्नेणं दस वाससहस्साई
अंतोमुहुत्तूणाई, उकोसेणं तेत्तीसं सागरोवमाइं अंतोमुहुत्तूणाई । इमीसे णं रयणप्पभाए पुढवीए एवं विजय-वेजयंत-जयंत-अपराजियाणं देवाणं केवइयं कालं ठिती 'पण्णत्ता ? गोयमा ! जहन्नेणं बत्तीसं सागरोवमाई, उक्कोसेणं तेत्तीसं सागरोवमाणि । सव्वढे अजहण्णमणुक्कोसेणं तेत्तीसंसागरोवमाइं ठिती पण्णत्ता। [१५२]★★★ कति णं भंते! सरीरापण्णत्ता ? गोतमा ! पंच सरीरा पण्णत्ता, तंजहा ओरालिए जाव कम्मए । ओरालियसरीरेणं भंते ! कतिविहे पण्णत्ते? गोयमा ! पंचविहे पण्णत्ते, तंजहा एगिदियओरालियसरीरे जाव गब्भवक्कंतियमणुस्सपंचिदियओरालियसरीरे य । ओरालियसरीरस्सणं भंते ! केमहालिया सरीरोगाहणा पण्णत्ता ? गोयमा! जहन्नेणं अंगुलस्स असंखेज्जतिभागं, उक्कोसेणं सातिरेंग जोयणसहस्सं । एवं जहा ओगाहणसंठाणे ओरालियपमाणं तहा निरवसेसं, एवं जाव मणुस्से उक्कोसेणं तिण्णि गाउयाई । कतिविहे णं भंते ! वेउव्वियसरीरे पण्णत्ते? गोयमा ! दुविहे पण्णत्ते, तंजहा एगिदियवेउब्वियसरीरे य पंचिंदियवेउब्वियसरीरे य। एवं जाव सणंकुमारे आढतं जाव अणुत्तरा भवधारणिज्जा जा तेसिं रयणी रयणी परिहायति । आहारसरीरे णं भंते ! कतिविहे पण्णत्ते ? गोयमा ! एगाकारे पण्णत्ते । जइ एगाकारे पण्णत्ते
किं मणुस्सआहारयसरीरे अमणुस्सआहारसरीरे ? गोयमा ! मणुस्साहारगसरीरे, णो अमणूसाहारगसरीरे । एवं जति मणूस० किं गब्भक्कंतिय०संमुच्छिम० ? mero #5
5 5555555555 श्री आगमगुणमंजूषा- २९००55555555555$$$STORY
明明明明听听听听听听听听听听听听听听听听听听听听听听听明明明明明明明明纸历明明明明明明明明明