Agam 04 Ang 04 Samvayang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 47

(४) समवायंग सुत्तं - 'सगर' ओहि वेयणा लेसा आउगबंध विरह आगरिसा संघयण संगणांइ [३४]
FO
गोयमा ! गब्भवक्कंतिय०, नो संमुच्छिम० । जइ गब्भवक्कंतिय० किं कम्मभूमग० अकम्मभूमग० ? गोयमा ! कम्मभूमग० नो अकम्मभूमग० । जइ कम्मभूमग० किं संखेज्जवासाउय० असंखेज्जवासाउय० ? गोयमा ! संखेज्जवासाउय० नो असंखेज्जवासाउय० । जइ संखेज्जवासाउय० किं पज्जत्तय० अपज्जत्तय० ? गोयमा पज्जत्तय०, नो अपज्जत्तय० । जइ पज्जत्तय० किं सम्मद्दिट्ठी० मिच्छदिट्ठी० सम्मामिच्छदिट्ठी ? गोयम ! सम्मद्दिट्ठी०, नो मिच्छदिट्ठी नो सम्मामिच्छदिट्ठी । जइ सम्मद्दिट्ठी० किं संजत० असंजत० संजतासंजत० ? गोयमा ! संजत०, नो असंजत० नो संजतासंजत० । जइ संजत० किं पमत्तसंजत० अपमत्तसंजत ? गोयमा ! पत्तसंजत०, नो अपमत्तसंजत० । जइ पमत्तसंजत किं इड्डिपत्त० अणिडिपत्त० ? गोयमा ! इढिपत्त०, नो अणिडिपत्त० । वयणा वि भणियव्वा । आहारयसरी रे समचउरंससंठाणसंठिते । आहार [यसरीरस्स केमहालिया सरीरोगाहाणा पन्नत्ता ? गोयमा !] जहन्नेणं देसूणा रयणि, उक्कोसेणं पडिपुण्णा रयणी । तेयासरीरे णं भंते ! कतिविहे पण्णत्ते ? गोयमा ! पंचविहे पण्णत्ते, तंजहा एगिंदियतेयसरीरे य बेइंदियतेयसरीरे य तेइंदियतेयसरीरे य चउरिदियतेयसरीरे य पंचिदियतेयसरीरे य एवं जाव गेवेज्जयस्सणं भंते! देवस्स मारणंतियसमुग्धातेणं समोहतस्स समाणस्स [तेयासरीरस्स] केमहालिया सरीरोगाहणा पन्नत्ता ? गोयमा ! सरीरप्पमाणमेत्ता विक्खंभबाहल्लेणं, आयामेणं जहन्नेणं अहे जाव विज्जाहरसेढीओ, उक्कोसेणं अहे जाव अहोलोइया गामा, उड्डुं जाव सयाई विमाणाइं, तिरियं जाव मणुस्सखेत्तं, एवं जाव अणुत्तरोववाइया वि । एवं कम्मयसरीरं पि भाणियव्वं । भेदे विसय संठाणे अब्भंतर बाहिरे देसोधी । ओहिस्स वड्ढि हाणी पडिवाती चेव अपडिवाती ॥७१॥ J [१५३]★★★ कतिविहे णं भंते ! ओही पण्णत्ते ? गोयमा ! दुविहे पण्णत्ते भवपच्चइए य खओवसमिए य। एवं सव्वं ओहिपदं भाणियव्वं । सीता य दव्व सारीर सा तह वेयणा भवे दुक्खा । अब्भुवगमुवक्कमिया णिताई चेव अणिदातिं ॥७२॥ नेरइया णं भंते ! किं सीतवेदणं वेयतिं, उसिणवेयणं वेयंति, सीतोसिणवेयणं वेयति ? गोयमा ! नेरइया० एवं चेव वेयणापदं भाणियव्वं । कति णं भंते! लेसातो पण्णत्तातो ? गोयमा ! छल्लेसातो पण्णत्तातो, तंजहा किण्हलेसा नीललेसा काउलेसा तेउलेसा पम्हलेसा सुक्कलेसा । एवं लेसापदं भाणियव्वं । अणंतरा य आहारे आहराभोयणा वि य। पोग्गला नेव जाणंति अज्झवसाणा य सम्मत्ते ||७३|| नेरइया णं भंते! अणंतराहारा ततो निव्वत्तणया ततो परियातियणता ततो परिणामणता ततो परियारणया ततो पच्छा विकुव्वणया ? हंता गोयमा ! एवं आहारपदं भाणियव्वं [१५४]★★★ कतिविहे णं भंते! आउगबंधे पण्णत्ते ? गोयमा ! छव्विहे आउगबंधे पण्णत्ते, तंजहा जातिनामनिधत्ताउए, एवं गतिनाम० ठितिनाम० पदेसनाम० अणुभाग० ओगाहणानाम० । नेरइयाणं भंते! कतिविहे आउगबंधे पन्नत्ते ?, गोयमा ! छव्विहे पण्णत्ते, तंजहा जातिनाम० जाव ओगाहणानाम० । एवं जाव वेमाणिय त्ति । निरयगती णं भंते ! केवतियं कालं विरहिता उववाएणं पण्णत्ता ? गोयमा ! जहन्नेणं एक्वं समयं, उक्कोसेणं बारस मुहुत्ते, एवं तिरियगति मणुस्स [गति] देव [गति] । सिद्धिगती णं भंते! केवइयं कालं विरहिया सिज्झणयाए पण्णत्ता ? गोयमा ! जहन्नेणं एवं समयं, उक्कोसेणं छम्मासे । एवं सिद्धिवज्जा उव्वट्टणा । इमीसे णं भंते ! रयणप्पभाए पुढवीए नेरइया केवइयं कालं विरहिया उववाएणं ? एवं उववायदंडओ भाणियव्वो उव्वट्टणादंडओ य । नेरइया णं भंते! जातिनामनिधत्ताउगं कतिहिं आगरिसेहिं पगरेति ? गो० ! सिय १, सिय २|३|४|५/६ ७, सिय अट्ठहिं, नो चेव णं नवहिं । एवं सेसाण वि आउगाणि जाव वेमाणिय त्ति । [ १५५] ★★★ कइविहे णं भंते ! संघयणे पण्णत्ते ? गोयमा ! छव्विहे संघयणे पण्णत्ते, तंजहा वइरोसभनारायसंघयणे रिसभनारायसंघयण नारायसंघयणे अद्धनारायसंघयणे खीलियासंघयणे छेवट्टसंघयणे । नेरइया णं भंते! किंसंघयणी [पण्णत्ता ] ? गोयमा ! छण्हं संघयणाणं असंघयणी, गवट्ठी जेव छिरा णवि ण्हारू, जे पोग्ला • अता अप्पिया अमणुण्णा अमणावा ते तेसिं असंघयणत्ताए परिणमंति । असुकुमार णं [भंते ] ! किंसंघयणी पण्णत्ता ? गोयमा ! छण्हं संघयणाणं असंघयणी, णेवट्ठी णेव छिरा जाव जे पोग्गला इट्ठा कंता पिया मणुण्णा मणामा मणाभिरामा ते तेसिं असंघयणत्ताए परिणमंति । एवं जाव थणियकुमार त्ति | पुढवि [काइयाणं भंते ! किंसंघयणी पण्णत्ता ? गोयमा !] सेवट्टसंघयणी पण्णत्ता, एवं जाव संमुच्छिमपंचेंदियतिरिक्खजोणिय त्ति । गब्भवक्कंतिया छव्विहसंघयणी । संमुच्छिममणुस्सा णं सेवट्टसंघयणी । गब्भवकंतियमणूसा छव्विहे संघयणे पण्णत्ता । जहा असुरकुमारा तहा वाणमंतरा जोतिसिया वेमाणिया । कतिविहे णं भंते ! संठाणे
श्री आगमगुणमंजूषा - २११ ॐ ॐ ॐ