Agam 04 Ang 04 Samvayang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 48

(४) समवायगसूत्त सगण वये कुलकर भारिया तित्थकर पिउ माउ वण्णा [३५]
T
पण्णत्ते ? गोयमा ! छव्विहे संठाणे पण्णत्ते, तंजहा समचउरंसे, णग्गोहपरिमंडले, साति, खुज्जे, वामणे, हुंडे । णेरड्या णं भंते! किं [ संठाणी पण्णत्ता ?] गोयमा ! हुंडसंठाणी पण्णत्ता । असुरकुमारा [णं भंते ] ! किं [ संठाणी पण्णत्ता ?] गोयमा ! समचउरंससंठाणसंठिया पण्णत्ता जाव थणिय त्ति । पुढवि [काइया] मसूरयसंठाणा पण्णत्ता । आऊ [काइया] थिबुयसंठाणा पण्णत्ता । तेऊ [काइया] सूइकलावसंठाणा पण्णत्ता । वाऊ [काइया] पडातियासंठाणा पण्णत्ता । वणप्फति [काइया] णाणासठाणसंठिता पण्णत्ता। बेतिया तेतिया चउरिदिया संमुच्छिमपंचेदियतिरिक्खजोणिया हुंडसंठाणा पण्णत्ता । गब्भवक्कंतिया छव्विहसंठाणा [पण्णत्ता ] | सम्मुच्छिममणूसा हुंडसंठाणसंठिता पण्णत्ता । गब्भवक्कंतियाणं [मणूसाणं] छव्विहा संठाणा [पण्णत्ता ] । जहा असुरकुमारा तहा वाणमंतरा जोतिसिया वेमाणिया । [१५६] कतिविहे णं भंते ! वेए पण्णत्ते ? गोयमा ! तिविहे वेए पण्णत्ते, तंजहा इत्थिवेदे पुरिसवेदे णपुंसगवेदे । णेरतियाणं भंते १ किं इत्थिवेए पुरिसवेए णपुंसगवेए पण्णत्ते ? गोयमा ! णो इत्थि [वेदे], णो पुंवेदे, णपुंसगवेदे [पण्णत्ते ] । असुरकुमा [राणं भंते ] ! किं [ इत्थिवेए पुरिसवेए णपुसंगवेए पण्णत्ते ] ? गोयमा ! इत्थि [ ए ], पुमं [ ए ], णो णपुंसग [ वेए] जाव थणिय त्ति | पुढवि [काइया ] आउ [काइया] तेउ [काइया] वाउ [काइया] वण [प्फति काइया] बे [ इंदिया] ते [ इंदिया] चउ [रिदिया] संमुच्छिमपंचेदियतिरिक्ख [जोणिया ] संमुच्छिममणूसा णपुंसगवेया। गब्भवक्कंतियमणूसा पंचेदियतिरिया तिवेया । जहा असुकुमारा तहा वाणमंतरा जोतिसिया वेमाणिया । [१५७] तेणं कालेणं तेणं समएणं कप्पस्स समोसरणं णेतव्वं जाव गणहरा सावच्चा णिरवच्चा वोच्छिन्ना। जंबुद्दीवे णं दीवे भारहे वासे तीताए उस्सप्पिणीते सत्त कुलकरा होत्या, तंजहा मित्तदामे सुदामे य, सुपासे य सयंपभे । विमलघोसे सुघोसे य, महाघोसे य सत्तमे ॥७४॥ जंबुद्दीवे णं दीवे भारहे वासे तीताए उस्सप्पिणीए दस कुलकरा होत्या, तंजहा सतज्जले सताऊ य, अजितसेणे अणंतसेणे य । कक्कसेणे भीमसेणे, महासेणे य सत्तमे ||७५ || दढरहे दसरहे सतरहे। जंबुद्दीवे णं दीवे भारहे वासे इमीसे ओसप्पिणीए समाते सत्त कुलगरा होत्था, तंजहा पढमेत्य विमलवाहण० [चक्खुम जसमं चउत्थमभिचंदे । तत्तो पसेणईए मरुदेवे चेव नाभी य ॥ ७६ ॥ |] गाहा । एतेसि णं सत्तण्डं कुलगराणं सत्त भारियातो होत्था, तंजहा चंदजस चंद० [कंता सुरुव पडिरूव चक्खुकंता य । सिरिकंता मरुदेवी कुलगरपत्तीण णामाई ||७७ ||] गाहा । जंबुद्दीवे णं दीवे भारहे वासे इमीसे णं ओसप्पिणीए चउवीसं तित्थकराण पितरो होत्या, तंज जियसतू या० जियारी संवरे इ य । मेहे धरे पइट्टे य महसेणे य खत्तिए ॥७८॥ सुग्गीवे दढरहे विण्हू वसुपुज्जे य खत्तिए । कयवम्मा सीहसेणे य भाणू विस्ससेणे इ य ॥७९॥ सूरे सुदंसणे कुंभे सुमित्तविजए समुद्दविजये य । राया य आससेणे सिद्धत्थे च्चिय खत्तिए ||८०|| गाहा। उदितोदितकुलवंसा विसुद्धवंसा गुणेहिं उववेया । तित्थप्पवत्तयाणं एते पितरो जिणवराणं ॥ ८१ ॥ जंबुद्दीवे एवं मातरो मरुदेवा० विजय सेणा सिद्धत्था मंगला सुसीमा य। पुहई लक्खण रामा नंदा विण्हू जया सामा ॥८२॥ सुजसा सुव्वय अइरा सिरि देवी य पभावई । पउमावती य वप्पा सिव वम्मा तिसिला इ य ॥ ८३॥ गाहातो । जंबुद्दीवे णं दीवे भारहे वासे इमीसे ओसप्पिणीए चवीसं तित्थकरा होत्या, तंजहा उसभ १ अजित २ जाव वद्धमाणो २४ य । एतेसिं चउवीसाए तित्थकराणं चउवीसं पुव्वभविया णामधेज्जा होत्था, तंजहा पढमेत्थ वतिरणाभे विमले तह विमलवाहणे चेव । तत्तो य धम्मसीहे सुमित्त तह धम्ममित्ते य ॥८४॥ सुंदरबाहू तह दीहबाहु जुगबाहु लट्ठबाहू य। दिण्णे य इंददिण्णे सुंदर माहिंदरे चेव ||८५|| सीहरहे मेहरहे रूप्पी य सुदंसणे य बोधव्वे । तत्तो य णंदणे खलु सीहगिरी चेव वीसत्तिमे ||८६|| अद्दीणसत्तु संखे सुदंसणे णंदणे य बोधव्वे । ओसप्पिणीए एते तित्थकराणं तु पुव्वभवा ॥ ८७॥ एतेसि णं चउवीसाए तित्थयराणं चउवीसं सीयाओ होत्था, तंजहा सीया सुदंसणासुप्पभा य सिद्धत्थ सुप्पसिद्धा जय । विजया य वेजयंती जयंती अपराजिया | ८८|| अरुणप्पभ सूरप्पभ सुकप्पभ अग्गि सप्पभा चेव । विमला य पंचवण्णा सागरदत्ता तह णागदत्ता य ॥ ८९ ॥ अभयकर णिव्वुतिकरी मणोरमा तह मणोहरा चेव । देवकुरु उत्तरकुरा विसाल चंदप्पभा सीया ॥ ९०॥ एतातो सीयातो सव्वेसिं चेव जिणवरिंदाणं । सव्वजगवच्छलाणं सव्वोतुकसुभाए छायाए || ९१ ॥ पुव्विं उक्खित्ता माणुसेहिं सा हट्ठरोमकूवेहिं । पच्छा वहंति सीयं असुरिंद- सुरिंद- नागिंदा ||१२|| चलचवलकुंडलधरा सच्छंदविउव्वियाभरणधारी। सुर-असुरवंदियाणं वहंति सीयं जिनिंदाणं ॥ ९३ ॥ पुरतो वहंति देवा नागा पुण दाहिणम्मि पासम्मि । पच्चत्थिमेण असुरा गरुला पुण
।
भ
纸纸纸 纸
תתת