Agam 04 Ang 04 Samvayang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 43

MOR95555555555
(४) समवायंगसुत्तं - पण्डावागरण' - विवागसुत्त - दिट्टिवाय' वण्णाओ [३०]
1555555sssIOR
OTO乐乐乐乐乐明明明明明明听听听听听听听听乐听听乐
दमतित्थकरुत्तमस्स थितिकरणकारणाणं दुरभिगमदुरोवगाहस्स सव्वसव्वण्णुसम्मतस्साबुधजणविबोहकरस्स पच्चक्खयप्पच्चयकरीणं पण्हाणं विविहगुणमहत्था जिणवरप्पणीया आघविज्जति । पण्हावागरणेसु णं परित्ता वायणा, संखेजा जाव संखेज्जातो संगहणीतो। सेणं अंगठ्ठताए दसमे अंगे, एगे सुतक्खंधे, [पणतालीसं अज्झयणा], पणतालीसं उद्देसणकाला, पणतालीसं समुद्देसणकाला, संखेज्जाणि पयसयसहस्साणि पयग्गेणं पण्णत्ते, संखेना अक्खरा, अणंता गमा जाव चरणकरणपरूवणया आघविज्जति । सेत्तं पण्हावागरणाणि । [१४६]★★★से किंतं विवागसुते ? विवागसुए णं सुकडदुक्कडाणं कम्माणं फलविवागे आघविज्जति । से समासओ दुविहे पण्णत्ते, तंजहा दुहविवागे चेव सुहविवागेचेव, तत्थणं दह दुहविवागाणि, दह सुहविवागाणि। से किं तं दुहविवागाणि ? दुहविवागेसुणं [दुहविवागाणं] )
णगराइं, चेतियाई, उज्जाणाई, वणसंडा, रायाणो, अम्मापितरो, समोसरणाइं, धम्मायरिया, धम्मकहातो, नरगगमणाई, संसारपवंचदुहपरंपराओ य आघविनंति, # सेत्तं दुहविवागाणि । से किं तं सुहविवागाणि? सुहविवागेसु सुहविवागाणं णगराइं जाव धम्मकहातो, इहलोइयपारलोइया इड्डिविसेसा, भोगपरिच्चाया, पव्वज्जाओ,
सुयपरिग्गहा, तवोवहाणाई, पडिमातो, संलेहणातो, भत्तपच्चक्खाणाई, पाओवगमणाई देवलोगगमणाई, सुकुलपच्चायाती, पुण बोहिलाभो, अंतकिरियातो य आघविज्जति । दुहविवागेसुणं पाणातिवायअलियवयण चोरिक्ककरण-परदारमेहुण-ससंगताए महतिव्वकसाय-इंदिय-प्पमायपावप्पओय-असुहज्झवसाणसंचियाणं कम्माणं पावगाणं पावअणुभागफलविवागा णिरयगति-तिरिक्खजोणिबहुविहवसणसयपरंपरापबद्धाणं मणुयत्ते वि आगताणं जह पावकम्मसेसेण पावगा होति फलविवागा वह- -वसणविणास -णास -कण्णोठेंगुट्टकर -चरण -नहच्छेयण -जिब्भच्छेयण - अंजण कडग्गिदाहण -गयचलणमलण -फालण -उल्लंबण -सूल -लता-लउड -लट्ठिभंजण -तउ-सीसग-तत्ततेल्लकलकलअभिसिंचण -कुंभि-पाग -कंपण -थिरबंधण-वेह -वज्झकत्तण -पतिभयकरकरपलीवणादिदारुणाणि
दुक्खाणि अणोवमाणि, बहुविविहपरंपराणुबद्धा णमुच्चंति पावकम्मवल्लीए, अवेयइत्ता हु णत्थि मोक्खो, तवेण धितिधणियबद्धकच्छेण सोहणं तस्स वा वि होज्जा है है । एत्तो य सुभविवागेसु सील-संजम-णियम-गुण-तवोवहाणेसु साहुसु सुविहिएसु अणुकंपासयप्पयोगतिकालमतिविसुद्धभत्तपाणाई पययमणसा
हितसुहनीसेसतिव्वपरिणामनिच्छियमती पयच्छिऊणं पयोगसुद्धाइं जह य निव्वत्तेति उ बोहिलाभं जह य परित्तीकरेति णर -णिरय तिरिय - सुरगतिगमणविपुलपरियट्ट -अरति -भय -विसाय -सोक - मिच्छत्तसेलसंकडं अण्णाणतमंधकारचिक्खल्लसुदुत्तारं जर -मरण -जोणिसंखुभितचक्कवालं सोलसकसायसावयपयंडचंडं अणातियं अणवयग्गं संसारसागरमिणं, जह य णिबंधंति आउगं सुरगणेसु, जह य अणुभवंति सुरगणविमाणसोक्खाणि अणोवमाणि, ततो य कालंतरे चुयाणं इहेव नरलोगमागयाणं आउ - वपु - वण्ण -रूव -जाति -कुल - जम्म - आरोग्ग - बुद्धि -मेहाविसेसा मित्तजण -सयण - धणधण्णविभवसमिद्धिसारसमुदयविसेसा बहुविहकामभोगुब्भवाण सोक्खाण सुहविवागुत्तमेसु, अणुवरयपरंपराणुबद्धा असुभाणं सुभाणं चेव कम्माणं भासिया बहुविहा विवागा विवागसुयम्मि भगवता जिणवरेण संवेगकारणत्था, अन्ने वि य एवमादिया, बहुविहा वित्थरेणं अत्यपरूवणया आघविज्जति । विवागसुयस्स णं परित्ता वायणा, संखेज्जा जावसंखेज्जातो संगहणीतो। सेणं अंगठ्ठताए एक्कारसमे अंगे, वीसं अज्झयणा, वीसं उद्देसणकाला, वीसं समुद्देसणकाला, संखेज्जाइं पयसयसहस्साई पयग्गेणं पण्णत्ते, संखेज्जाणि अक्खराणि, जाव एवं चरणकरणपरूवणया आघविज्जति से तं विवागसुए। १४७ से किं तं दिठिवाए ? दिट्ठिवाए णं सव्वभावपरूवणया आघविज्जति । से समासतो पंचविहे पण्णत्ते, तंजहा परिकम्मं सुत्ताइं पुव्वगयं अणुओगो चूलिया। से किं तं परिकम्मे ? परिकम्मे सत्तविहे पण्णत्ते, तंजहा सिद्धसेणियापरिकम्मे मणुस्ससेणियापरिकम्मे पुट्ठसेणियापरिकम्मे ओगहणसेणियापरिकम्मे उवसंपज्जणसेणियापरिकम्मे विप्पजहणसेणियापरिकम्मे ' चुताचुतसेणियापरिकम्मे।से किं तं सिद्धसेणियापरिकम्मे ? सिद्धसेणियापरिकम्मे चोद्दसविहे पण्णत्ते, तंजहा माउयापदाणि १, एगट्ठितातिं २, पाढो ३, अट्ठपयाणि ४, (अट्ठपयाणि ३, पाढो ४,) आगासपदाणि ५, केउभूयं ६, रासिबद्धं ७, एगगुणं ८, दुगुणं ९, तिगुणं १०, केउभूतपडिग्गहो ११, संसारपडिग्गहो १२, नंदावत्तं
१३, सिद्धावत्तं १४, सेत्तं सिद्धसेणियापरिकम्मे । से किं तं मणुस्ससेणियापरिकम्मे ? मणुस्ससेणियापरिकम्मे चोद्दसविहे पण्णत्ते, तंजहा ताइं चेव माउयापयाई Re
श्री आगमगुणमंजूषा - २०७555555555555555FOTORY
乐乐所所
乐乐乐明明听听听听听听听听听听听F5O