Agam 04 Ang 04 Samvayang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 17

COC玩玩乐乐历历听听听听听玩玩乐乐乐听听听听听听听听听听乐听听听听听听纸$$$$统$$$$$$$$乐
KGROFFFFFFFFF
(४) समवायंगसुत्तं ११-१२-१३ द्वाणं [६] ५, दिआ वि राओ वि बंभयारी, असिणाती, विअडभोती, मोलिकडे ६, सचित्तपरिण्णाते ७, आरंभपरिण्णाते ८, पेसपरिण्णाते ९, उद्दिट्ठभत्तपरिणाते १०, समणभूते यावि भवति समणाउसो ११ । (२) लोगंताओ णं एक्कारसहिं एक्कारेहिं जोयणसतेहिं अबाहाए जोतिसंते पण्णत्ते । जंबुद्दीवे दीवे मंदरस्स पव्वतस्स एक्कारसहिं एक्कवीसेहिं जोयणसतेहिं [अबाहाए] जोतिसे चारं चरति । समणस्स णं भगवतो महावीरस्स एक्कारस गणहरा होत्था तंजहा इंदभूती अग्गिभूती वायुभूती वियत्ते सुहम्मे मंडिते मोरियपुत्ते अकंपिते अयलभाया मेतज्जे पभासे । मूलनक्खत्ते एक्कारसतारे पण्णत्ते । हेट्ठिमगेवेज्जगाणं देवाणं एक्कारसुत्तरं गेवेज्जविमाणसतं भवति त्ति मक्खायं । मंदरे णं पव्वते धरणितलाओ सिहरतले एक्कारसभागपरिहीणे उच्चत्तेणं पण्णत्ते। (३) . इमीसे णं रतणप्पभाए पुढवीए अत्थेगतियाणं नेरइयाणं एक्कारस पलिओवमाइं ठिती पण्णत्ता। पंचमाए पुढवीए [अत्थेगतियाणं नेरझ्याणं] एक्कारस सागरोवमाइं ठिती पपणत्ता। असुरकुमाराणं देवाणं अत्थेगतियाणं एक्कारस पलिओवमाइं ठिती पण्णत्ता । सोहम्मीसाणेसु कप्पेसु [अत्थेगतियाणं देवाणं] एक्कारस पलिओवमाई ठिती पण्णत्ता। ४ . लंतए कप्पे अत्थेगतियाणं देवाणं एक्कारस सागरोवमाई ठिती पण्णत्ता। जे देवा बंभं सुबंभं बंभावत्तं बंभप्पभं बंभकंतं बंभवण्णं बंभलेसं बंभज्झयं बंभसिंगं बंभसिळू बंभकूडं बंभुत्तरवडेंसगं विमाणं देवत्ताते उववण्णा तेसि णं देवाणं [उक्कोसेणं ?] एक्कारस सागरोवमाइं ठिती पण्णत्ता । ते णं देवा एकारसण्हं अद्धमासाणं आणमंति वा पाणमंति वा ऊससंति वा नीससंति वा । तेसि णं देवाणं एक्कारसण्हं वाससहस्साणं आहारटे समुप्पज्नति। ५. संतेगतिया भवसिद्धिया जीवा जे एक्कारसहिं भवग्गहणेहिं सिज्झिस्संति जाव सव्वदुक्खाणं अंतं करेस्संति । [१२] ** (१) . बारस भिक्खुपडिमातो पण्णत्तातो, तंजहा मासिया [भिक्खुपडिमा], दोमासिया [भिक्खुपडिमा] , तेमासिया [भिक्खुपडिमा], चाउम्मासिया [भिक्खुपडिमा] , पंचमासिया [भिक्खुपडिमा] , छम्मासिया [भिक्खुपडिमा] , सत्तमासिया
[भिक्खुपडिमा] , पढमा सत्तरातिदिया भिक्खुपडिमा, दोच्चा सत्तरातिदिया भिक्खुपडिमा, तच्चा सत्तरातिदिया भिक्खुपडिमा, अहोरातिया भिक्खुपडिमा, एक्करातिया की भिक्खुपडिमा । दुवालसविहे संभोगे पण्णत्ते, तंजहा - "उवहि सुय भत्तपाणे अजंलीपग्गहे ति य । दायणे य निकाए य, अब्भुट्ठाणे ति यावरे" ॥५॥ "कितिकम्मस्स
य करणे, वेयावच्चकरणे ति य । समोसरण सन्निसेज्ना य, कहाते य पबंधणे" ||६|| "दुवालसावत्ते कितिकम्मे पण्णत्ते, तंजहा दुओणयं जहाजायं, कितिकम्म बारसावयं । चउसिरं तिगुत्तं, दुपवेसं एगनिक्खमणं' ||७|| विजया णं रायधाणी दुवालस जोयणसहस्साई आयमविक्खंभेणं पण्णत्ता । रामे णं बलदेवे दुवालस वाससताई सव्वाउयं पालइत्ता देवत्ति गए। मंदरस्स णं पव्वतस्स चूलिया मूले दुवालस जोयणाइं विक्खंभेणं पण्णत्ता । जंबुद्दीवस्स णं दीवस्स वेतिया मूले दुवालस जोयणाई विक्खंभेणं पण्णत्ता। सव्वजहणिया राती दुवालसमुहुत्तिया पण्णत्ता। एवं दिवसो विणायव्वो। सव्वट्ठसिद्धस्स णं महाविमाणस्स उवरिल्लातो थूभियग्गातो दुवालस जोयणाई उड्डे उप्पतित्ताईसिंपन्भारा नाम पुढवी पण्णत्ता। ईसिंपन्भाराएणं पुढवीए दुवालसनामधेज्जा पण्णत्ता, तंजहा ईसित्ति वाईसिपब्भार त्ति वा तणू ति वा तणुयतरि त्ति वा सिद्धी ति वा सिद्धालए ति वा मुत्ती ति वा मुत्तालए ति वा बंभे ति वा बंभवडेंसग ति वा लोकपडिपूरणे त्ति वा लोगग्गचूलिया ति वा। (२). इमीसे णं रतणप्पभाए पुढवीए अत्थेगतिआणं नेरइआणं बारस पलिओवमाइं ठिती पण्णत्ता। पंचमाए पुढवीए अत्थेगतियाणं नेरइयाणं बारस सागरोवमाइं ठिती पण्णत्ता । असुरकुमाराणं देवाणं अत्थेगतियाणं बारस पलिओवमाइं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं बारस पलिओवमाई ठिती पण्णत्ता। लंतए कप्पे अत्थेगतियाणं देवाणं बारस सागरोवमाई ठिती पण्णत्ता। (३).जे देवा महिंद महिंदज्झयं कंबुं कंबुग्गीवं पुंखं सुपुंखं महापुंखं पुंडं सुपुंडं महापुंडं नरिंदं नरिंदोकंतं नरिंदुत्तरवडेंसगं विमाणं देवत्ताते उववण्णा तेसिंणं देवाणं उक्कोसेणं बारस सागरोवमाइं ठिती पण्णत्ता । ते णं देवा बारसण्हं अद्धमासाणं आणमंति वा पाणमंति वा ऊससंति वा नीससंति वा । तेसि णं देवाणं बारसहिं वाससहस्सेहिं आहारढे समुष्पज्जति। (४). अत्थेगतिया भवसिद्धिआ जीवा जे बारसहिं भग्गहणेहि सिज्झिस्संति जाव अंतं करेस्संति । [१३] (१). तेरस किरियट्ठाणा पण्णत्ता, तंजहा अट्ठादंडे, अणट्ठादंडे, हिंसादंडे, अकम्हादंडे,
दिट्ठिविपरियासियादंडे, मुसावायवत्तिए, अदिन्नादाणवत्तिए, अब्भ(ज्झ?)थिए, माणवत्तिए, मित्तदोसवत्तिए, मायावत्तिए, लोभवत्तिए, इरिआवहिए णामं तेरसमे aorature 14545454555555/ श्री आगमगुणमंजूषा - १८३155555555555555555555555
$乐乐555听听听听听听听听乐听听听听听听听听听乐乐明乐听听听听听听听听听明明明明明乐统$乐乐SCO