Agam 04 Ang 04 Samvayang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 19

(४) समवायंगसुत्त १५-१६-१७ द्वाणं
व
国%%%%%
%
C
CC8%$$$$听听听听听听听听听听听听听听听听听国乐明明明明明明明明明明明 乐乐乐听听听听听听听听听乐
धणु कुम्भे वालुए वेयरणी ति य । खरस्सरे महाघोसे एते पण्णरसाहिया ।। ।।१२।। णमी णं अरहा पण्णरस धणूई उहुंउच्चत्तेणं होत्था । धुवराहू णं बहुलपक्खस्स पाडिवयं पन्नरसतिभागं पन्नरसतिभागेणं चंदस्सलेसं आवरेत्ताणं चिट्ठति, तंजहा पढमाएपढमं भागंजाव पन्नरसेसुपन्नरसमं भागं। तं चेव सुक्कपक्खस्स उवदंसेमाणे उवदंसेमाणे चिट्ठति, तंजहा पढमाए पढमं भागं जाव पन्नरसेसु पन्नरसमं भागं। २ . छण्णक्खत्ता पन्नरसमुहुत्तसंजुत्ता पण्णत्ता, तंजहा सतभिसय भरणि अद्दा, असिलेसा साइ तह य जेट्ठा य । एते छण्णक्खत्ता, पण्णरसमुहुत्तसंजुत्ता ॥१३|| चेत्तासोएसु मासेसु पन्नरसमुहुत्तो दिवसो भवति, सइ पण्णरसमुहुत्ता राती भवति । अणुप्पवायस्स णं पुव्वस्स पन्नरस वत्थू पण्णत्ता । मणूसाणं पण्णरसविहे पओगे पण्णत्ते, तंजहा सच्चमणपओगे, एवं मोसमणपओगे, सच्चामोसमणपओगे, असच्चामोसमणपओगे, एवं सच्चवतीपओगे, मोसवतीपओगे, सच्चामोसवतीपओगे, असच्चामोसवतीपओगे, ओरालियसरीरकायपओगे, ओरालियमीससरीरकायपओगे, वेउब्वियसरीरकायपओगे, वेउब्वियमीससरीरकायपओगे, आहारयसरीरकायप्पओगे, आहारयमीससरीरकायप्पओगे है कम्मयसरीरकायपओगे। (३). इमीसे णं रयणपभाए पुढवीए [अत्थेगतियाणं नेरइआणं] पण्णरस पलिओवमाइं ठिती पण्णत्ता। पंचमाए णं पुढवीए अत्थेगतियाणं नेरइयाणं पण्णरस सागरोवमाई ठिती पण्णत्ता । असुरकुमाराणं देवाणं अत्थेगतियाणं पण्णरस पलिओवमाइं ठिती पण्णत्ता। सोहम्मीसाणेसु कप्पेसु अत्थेगतियाणं देवाणं पण्णरस पलिओवमाइं ठिती पण्णत्ता । महासुक्के कप्पे अत्थेगतियाणं देवाणं पण्णरस सागरोवमाइं ठिती पण्णत्ता। (४).जे देवा णंदं सुणंदं णंदावत्तं णंदप्पभं णंदकंतं णंदवण्णं णंदलेसं जाव णंदुत्तरवडेंसगं विमाणं देवत्ताए उववण्णा तेसि णं देवाणं उक्कोसेणं पण्णरस सागरोवमाइं ठिती पण्णत्ता । ते णं देवा पण्णरसण्हं अद्धमासाणं आणमंति वा पाणमंति वा ऊससंति वा नीससंति वा । तेसिणं देवाणं पण्णरसहिं वाससहस्सेहिं आहारट्टे समुप्पज्जति। (५). अत्थेगतिया भवसिद्धया जीवा जे पन्नरसहिं भवग्गहणेहि सिज्झिस्संति जाव अंतं करिस्संति। [१६] ★★★ (१). सोलस य गाहासोलसगा पण्णत्ता, तंजहा समए १, वेयालिए २, उवसग्गपरिण्णा ३, इत्थिपरिण्णा ४, निरयविभत्ती ५, महावीरथुई ६, कुसीलपरिभासिए७, वीरिए ८, धम्मे ९, समाही १०, मग्गे ११, समोसरणे १२, अहातहिए १३, गंथे १४, जमतीते १५, गाहा १६ । सोलस कसाया पण्णत्ता, तंजहा अणंताणुबंधी कोहे, एवं माणे, माया, लोभे। अपच्चक्खाणकसाए कोहे, एवं माणे माया, लोभे । पच्चक्खाणावरणे कोहे, एवं माणे, माया, लोभे । संजलणे कोहे, एवं माणे, माया, लोभे । मंदरस्स णं पव्वतस्स सोलस नामधेजा पण्णत्ता, तंजहा मंदर १ मेरु २ मणोरम ३ सुदंसण ४ सयंपभे ५ य गिरिराया ६ । रयणुच्चय ७ पियदसण ८ मज्झे लोगस्स ९ नाभी १० य ।।१४।। अत्थे य ११ सूरियावत्ते १२ सूरियावरणे १३ ति य । उत्तरे य १४ दिसाई य १५ वडेंसे १६ इ य सोलसे॥१५॥ (२). पासस्स णं अरहतो पुरिसादाणीयस्स सोलस समणसाहस्सीओ उक्कोसिया समणसंपदा होत्था । आयप्पवायस्स णं पुव्वस्स सोलस वत्थू पण्णत्ता । चमर-बलीणं ओवारियालेणे सोलस जोयणसहस्साई आयामविक्खंभेणं पण्णत्ते । लवणे णं समुद्दे सोलस जोयणसहस्साइं उस्सेहपरिवुड्डीए पण्णत्ते । इमीसेणं रयणप्पभाए पुढवीए अत्थेगतियाणं नेरइयाणं सोलस पलिओवमाइं ठिती पण्णत्ता। पंचमाए पुढवीए अत्थेगतियाणं नेरइयाणं सोलस सागरोवमाइं ठिती पण्णत्ता । असुरकुमाराणं देवाणं अत्थेगतियाणं सोलस पलिओवमाइं ठिती पण्णत्ता । सोहम्मीसाणेसु कप्पेसु
अत्थेगतियाणं देवाणं सोलस पलिओवमाइं ठिती पण्णत्ता । महासुक्के कप्पे अत्थेगतियाणं देवाणं सोलस सागरोवमाई ठिती पण्णत्ता। (३) . जे देवा आवत्तं # वियावत्तं नंदियावत्तं महाणंदियावत्तं अंकुसं अंकुसपलंबं भदं सुभदं महाभद्दे सव्वओभई भद्दुत्तरवडेंसगं विमाणं देवत्ताते उववण्णा तेसि णं देवाणं उक्कोसेणं सोलस
सागरोवमाई ठिती पण्णत्ता । ते णं देवा सोलसण्हं अद्धमासाणं आणमंति वा पाणमंति वा ऊससंति वा नीससंति वा । तेसि णं देवाणं सोलसहिं वाससहस्सेहि आहारट्ठे समुप्पज्जति । (४) संतेगतिया भवसिद्धिया जीवा जे सोलसहिं भवग्गहणेहि सिज्झिस्संति जाव अंतं करेस्संति। [१७] *** (१) सत्तरसविहे असंजमे पण्णत्ते, तंजहा पुढविकाइयअसंजमे आउकाइयअसंजमे तेउकाइयअसंजमे वाउकाइयअसंजमे वणस्सइकाइयअसंजमे बेइंदियअसंजमे तेइंदियअसंजमे चउरिदियअसंजमे पंचिदियअसंजमे अजीवकायअसंजमे पेहाअसंजमे उपहाअसंजमे अवहट्टुअसंजमे अपमज्जणाअसंजमे मणअसंजमे वतिअसंजमे कायअसंजमे।
555555555555555555 श्री आगमगुणमंजूषा - १८५155555555555555555555555
BO乐乐听听听听听听听听听听听听听听听听乐听听听听听听听听听听听听听听听听听听听听听听听听听听听听听听G