Agam 04 Ang 04 Samvayang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 23

AGRO555555 (४) समवायंगसुत्तं २३-२४-२५ द्वाणं [१२]
__ FFFERENOR चोद्दसपुव्वी होत्था। जंबुद्दीवेणं दीवे इमीसे ओसप्पिणीए तेवीसं तित्थकरा पुव्वभवे मंडलियरायाणो होत्था, तंजहा अजित संभव जाव वद्धमाणो य। उसभेणं अरहा
कोसलिए चक्कवट्टी होत्था। इमीसे णं रयणप्पभाए पुढवीए अत्थेगतियाणं नेरइयाणं तेवीसं पलिओवमाइं ठिती पण्णत्ता । अहेसत्तमाए णं पुढवीए अत्थेगतियाणं ॐ नेरइयाणं तेवीसं सागरोवमाई ठिती पण्णत्ता । असुरकुमाराणं देवाणं अत्थेगतियाणं तेवीसं पलिओवमाइं ठिती पण्णत्ता । सोहम्मीसाणेसु कप्पेसु अत्थेगतियाणं ॥
देवाणं तेवीसंपलिओवमाइं ठिती पण्णत्ता । हेट्ठिममज्झिमगेवेज्झाणं देवाणं जहण्णेणं तेवीसं सागरोवमाइं ठिती पण्णत्ता। (३).जे देवा हेट्टिमहेट्ठिमगेवेज्जयविमाणेसु देवत्ताते उववण्णा तेसिणं देवाणं उक्कोसेणं तेवीसं सागरोवमाइं ठिती पण्णत्ता ते णं देवा तेवीसाए अद्धमासेहिं आणमंति वा पाणमंति वा ऊससंति वा नीससंति वा | तेसिणं देवाणं तेवीसाए वाससहस्सेहिं आहारट्टे समुप्पज्जति। (४) संतेगतिया भवसिद्धिया जीवा जे तेवीसाए भवग्गहणेहिं सिज्झिस्संति जाव सव्वदुक्खाणं अंतं करेस्संति ॥ [२४]★★★ (१) चउवीसं देवाहिदेवा पण्णत्ता, तंजहा उसभ अजित जाव वद्धमाणे । चुल्लहिमवंत-सिहरीणं वासहरपव्वयाणं जीवाओ' चउवीसं चउवीसं जोयणसहास्साई णव बत्तीसे जोयणसते एगं च अट्ठतीसभागं जोयणस्स किंचिविसेसाहिताओ आयामेणं पण्णत्ताओ। चउवीसंदेवठ्ठाणा सइंदया पण्णत्ता । सेसा अहमिंदा अणिंदा अपुरोहिता। उत्तरायणगते णं सूरिए चउवीसंगुलिए पोरिसीछायं णिव्वत्तइत्ता णं णियट्टति । गंगा-सिंधूओ णं महाणदीओ पवहे सातिरेगे चउवीसं कोसे वित्थारेणं पण्णत्ताओ । रत्त-रत्तवतीओ णं महाणदीओ पवहे सातिरेगे चउवीसं कोसे वित्थारेणं पण्णत्तातो। (२) इमीसे णं रयणप्पभाए पुढवीए अत्थेगतियाणं णेरइयाणं चउवीसं पलिओवमाइं ठिती पण्णत्ता । अहेसत्तमाए पुढवीए अत्थेगतियाणं नेरइयाणं चउवीसं सागरोवमाइं ठिती पण्णत्ता । असुरकुमाराणं देवाणं अत्थेगतियाणं चउवीसं पलिओवमाई ठिती पण्णत्ता। सोहम्मीसाणेसु कप्पेसु अत्यंगतियाणं देवाणं चउवीसं पलिओवमाई ठिती पण्णत्ता। हेट्ठिमउवरिमगेवेज्जाणं देवाणं जहण्णेणं चउवीसं सागरोवमाइं ठिती पण्णत्ता। ३ . जे देवा हेट्ठिममज्झिमगेवेज्जयविमाणेसु देवत्ताते उववण्णा तेसि णं देवाणं उक्कोसेणं चउवीसं सागरोवमाइं ठिती पण्णत्ता।ते णं देवा चउवीसाए अद्धमासाणं आणमंति वा पाणमंति वा ऊससंति वा नीससंति वा । तेसिणं देवाणं चउवीसाए वाससहस्साणं आहारट्ठे समुप्पज्जति। ४ संतेगतिया भवसिद्धिया जीवा जे चउवीसाए भवग्गहणेहि सिज्झिस्संति [जाव सव्वदुक्खाणं अंतं करेस्संति] || [२५] ★★★ (१) पुरिमपच्छिमताणं तित्थगराणं पंचजामस्स पणुवीसं भावणाओ पण्णत्ताओ, तंजहा इरियासमिति, मणगुत्ती, वइगुत्ती, आलोयभायणभोयणं, आदाणभंडनिक्खेवणासमिति ५, अणुवीतिभासणया, कोहविवेगे, लोभविवेगे, भयविवेगे, हासविवेगे १०, उग्गहअणुण्णवणता, उग्गहसीमजाणणता, सयमेव उग्गहअणुगेण्हणता, साहम्मियउग्गहं अणुण्णविय परिभुंजणता, साहारणभत्तपाणं अणुण्णविय परिभुंजणता १५, इत्थी-पसु-पंडगसंसत्तसयणासणवज्जणता, इत्थीकहविवज्जणया, इत्थीए इंदियाणमालोयणवज्जणता, पुव्वरत-पुव्वकीलियाणं अणणुसरणता, पणीताहारविवज्जणता २०, सोइंदियरागोवरती, एवं पंच वि इंदिया २५ । मल्ली णं अरहा पणुवीसं धणूति उहुंउच्चत्तेणं होत्था । सव्वे वि णं दीहवेयड्डपव्वया पणुवीसं पणुवीसं जोयणाणि उडुंउच्चत्तेणं, पणुवीसं पणुवीसं गाउयाणि उव्वेधेणं पण्णत्ता । दोच्चाए णं पुढवीए पणुवीसं णिरयावाससयवसहस्सा पण्णत्ता। आयरस्स णं भगवतो सचूलियायस्स पणुवीसं अज्झीणा पण्णत्ता। मिच्छादिट्ठिविगलिदिए णं अपज्जत्तए संकिलिट्ठपरिणामे णामस्स कम्मस्स पणुवीसं उत्तरपगडीओ णिबंधति, तंजहा तिरियगतिणाम, वियलिदियजातिणाम,
ओरालियसरीरणाम, तेयगसरीरणाम, कम्मगसरीरणाम, हुंडसंठाणणाम, ओरालियसरीरंगोवंगणाम, सेवट्ठसंघयणणामं, वण्णनामं, गंधणामं, रसणामं, फासणाम, तिरियाणुपुग्विणामं, अगरूलहुनाम, उवघातणाम, तसणाम, बादरणामं, अपज्जत्तयणामं, पत्तेयसरीरणामं, अथिरणामं, असुभणामं, दुभगणामं, अणादेज्जणामं, अजसोकित्तीणामं, निम्माणणाणं २५ । गंगा-सिंधूओ णं महाणदीओ पणुवीसं गाउयाणि पुहत्तेणं दुहतो घडमुहपवत्तिएणं मुत्तावलिहारसंठितेणं पवातेणं पवडंति । रत्ता-रत्तवतीओ णं महाणदीओ पणुवीसं गाउयाणि पुहत्तेणं जाव पवातेणं पवडंति । लोगबिंदुसारस्स णं पुव्वस्स पणुवीसं वत्थू पण्णत्ता। (२) इमीसे णं
रतणप्पभाए पुढवीए अत्थेगतियाणं नेरइयाणं पणुवीसं पलिओवमाइं ठिती पण्णत्ता । अहेसत्तमाए पुढवीए अत्थेगतियाणं नेरइयाणं पणुवीसं सागरोवमाई ठिती xoxof959555555555555555555 श्री आगमगुणमंजूषा- १८९555555555555555555555FOR
SCF明明明明明明明明明明明明明明明明明明明明明明明明明明明明明明明明明明明明明明明明明明听听听听听AC